Yachachikuykunapa qallariynin
KAYQA cheqap pasaqkunamanta willakuq librom. Admirakunapaq hina Bibliamantam horqosqa kachkan kay willakuykunaqa. Kay pachata Dios unanchasqanmantapacha kay tiempokama pasasqankunamantam willasunki. Willasunkitaqmi hamuq tiempopaq Diospa prometesqantapas.
Kay libroqa Bibliapi kaqkunamantam musyarichisunki. Willamusunkim Bibliapi runakunamanta hinaspa ima rurasqankumantapas. Chaymantapas qawachinmi enteron Allpa paraisoman tikrakuptin chaypi runakuna wiñaypaq kawsanankupaq atikusqanta, chayna suyakuytam Diosqa qon.
Kay libropim kachkan 116 willakuykuna. Pusaq partepim rakisqa kachkan. Sapakama partepa qallariq paginapim pisillapi willachkan chay partepi tarikusqanta. Kay libropi willakuykunaqa ordenninpim willachkan imakuna pasasqanmanta. Chaymi yachanaykipaq yanapasunki haykapim chay willakuykuna pasasqanmanta.
Willakuykunaqa mana sasa rimaykunawanmi qellqakurqa. Achka wawakunachá kikinkumanta leeyta atinqaku. Tayta-mamakuna kaymanta wawakunaman achka kutita leeykapuptinkuqa kusikusqankutachá qawanqaku. Libropiqa tarikuchkanmi sumaq yachachikuykuna jovenkunapaq hinaspa yuyayniyoqkunapaqpas.
Willakuykunapa tukupayninpim Bibliamanta textokuna tarikun. Kallpanchaykikum chay textokunata Bibliapi leenaykipaq. Sapakama willakuyta leeyta tukuruspaqa, 116 kaq willakuypa qatiqninpi tarikuq tapukuykunapi chay willakuypa tupaqnin tapukuykunata leespa yuyaymanariy leesqaykiman hina kutichinaykipaq.