Agradecekunanchikpaq taki

1. Ancha kuyaqniyku Jehova Diosllayku

qamqa ancha hatunchasqayá kay.

“Gracias” nikikum tukuy imamanta,

tukuy yanapakuynikimanta.

Ima huchaykutapas pampachaykuy,

pantaq runakunam kallaniku.

“Gracias” Diosllayku churillaykimanta,

llakipayawasqaykikumanta.

2. “Gracias” Dioslláy kuyakuynikimanta,

qanman qayawasqaykikumanta,

allin ñanninta purinaykupaqpas

qam yanapawasqaykikumanta.

“Gracias” chuya espirituykimanta,

lliwpim yanapallawanku Dioslláy.

“Gracias” taytáy tukuy sunquwan qampaq

ruwasqayku chaskisqaykimanta.