111 KAQ TAKI
Imanasqa kusisqa kasqanchikmanta
1. Kusisqallamá kawsakunchik
Jehova Diospa llaqtanpiqa.
Mayna sumaqmi hukkunapa
kaymanña hamusqankuqa.
Kusisqallamá tarikunchik
Diosmanta yachaspanchikqa.
Mayna sumaqmi Diosllapiña
anchata hapipakuyqa.
Diosllapi hapipakuspaqa
allintamá takyallasun.
Ima sasachakuy kaptinpas
kusisqamá kawsakusun.
(CORO)
Kusichillawankum Dioslláy
tukuy ima ruwasqayki.
Suma-sumaqmá, alli-allinmá
imapas ruwasqaykiqa.
2. Sumaqllañamá qawakullan
Diosninchikpa ruwasqanqa,
hanaq pacha unanchasqanpas,
kay pacha unanchasqanpas.
Kusikunapaqmá kallachkan
Diosmanta willakamuyqa,
allinña kawsakunamanta
maypiña yachachimuypas.
Wiña-wiñaypaq kawsakuyqa
chayaykamullachkanñamá.
Llumpa-llumpay kusisqallañam
llapanchik kawsakullasun.
(CORO)
Kusichillawankum Dioslláy
tukuy ima ruwasqayki.
Suma-sumaqmá, alli-allinmá
imapas ruwasqaykiqa.
(Qawariytaq Deut. 16:15; Is. 12:6; Juan 15:11).