5 KAQ YACHACHIKUY
Imam kaqtam ñawinchana
1 Timoteo 4:13
Imayna qillqasqa kasqanman hinam allinta uyarikunanpaq ñawinchana.
¿IMAYNATAM RUWACHWAN?
Ñawpaqmantaraqmi allinta yachana. Yachananchikmi imanasqa qillqakusqanmanta, hinaspam ñawinchana qatiqnin rimaykunawan tupasqanman hina. Manataqmi pawa-pawataqa ñawinchanachu nitaq yapanachu. Puntochankunapa kasqanpiqa sayanam, tapukuykuna kaptinqa chayman hinam ñawinchana.
Imam kaqtam ñawinchana. Mana tuqyachiyta atispaqa qillqanchikkunata imayna ñawinchasqankutam uyarina, utaqmi pitapas nichwan imayna tuqyachinamanta yachaykachiwananchikpaq.
Sumaqtam tuqyachina. Umanchikta huqarispa chaynataq siminchiktapas allinta kicharispam, rimasqanchiktaqa sumaqta tuqyachina.