¿Yuyachkankichu?

¿Leerqankichu qaynakunalla chaskisqayki Llaqta Cuidaq revistakunata? Hinaspaqa yaqapaschá kay tapukuykunata kutichiwaq:

• ¿Piwantaq Cainqa casarakurqa?

Evapa huk kaqnin mirayninwanmi, paymi wachakurqa ‘qarikunatawan warmikunatapas’ (Gen. 5:4; 1/10, 30 paginapi).

• Israelitakunata Egiptomanta libraruspan, ¿mayqan angeltataq Dios kamachirqa puntankuta rinanpaq? (Exo. 23:20, 21.)

Kay angelmantam Dios nirqa ‘rantinpi kasqanta’, chaymi nichwan piwi Churin kasqanta, tiempo pasaptinmi Jesus karqa (15/9, 21 paginapi).

• ¿Imakuna nisqanchiktam Diosqa mana chaskinchu?

“Llumpay sasam.” ‘Manam ganasniy kanchu.’ ‘Tiempoy kanchu.’ ‘Atisaqchuqaya.’ “Sientisqam kachkani rurawasqankumanta.” Kayna nisqanchikqa manam razonchu Diospa nisqanta mana ruranapaqqa (15/10, 12-15 paginakunapi).

• ¿Imatam rurachwan huñunakuykuna lliwta kallpanchananpaq?

Puntamantaraqmi preparakuna, ama faltakunachu, ama tardeyanachu, servichikuna qellqakunatam apana, atiendena, rimarina, asllata rimana, rurananchikwan cumplina, rimaqkunata alabana hinaspa hamuqkunawan rimana (15/10, 22 paginapi).

• ¿Imatam yachachwan israelitakuna hikutaptin Aaronpa rurasqanmanta?

Moises mana chaypi kachkaptin taytachata rurananpaq Aaronta hikutaptinkum payqa rurarurqa. Chaynaqa, hikutasqaqa kanku manam mozo-sipaskunallachu aswanqa allinta ruranankupaq kallpanchakuq mayorkunapas. Aguantananchikmi hukkunapa hikutawasqanchikta (15/11, 8 paginapi).