BIBLIAMANTA TAPUKUYKUNA
¿Imanasqataq Allpantinpi hawkalla kawsayqa sasa?
Allpantinpi hawkayayqa kanqa huk gobernante runakunapa sonqonkuta cambiaptinmi
Punta kaq, runakunaqa tukuy ruwayta atispapas manam munasqanchikman hina kawsanapaqchu unanchasqa kanchik. Iskay kaq, ‘kay pachapi mana allin kaqkunaqa Diablopa makinpim kachkan’. Chayraykum runakunaqa mana atinkuchu hawkalla kawsakuyta. (Leey Jeremias 10:23; 1 Juan 5:19.)
Chaymantapas astawanmi sasachakunku imatapas kikillankupaq munasqankuwan. Allpantinpi hawkalla kawsakunapaqqa huk gobiernom yachachiwananchik allin kaqkunata kuyanapaq chaynataq runamasinchikta kuyapayanapaqpas. (Leey Isaias 32:17; 48:18, 22.)
¿Pitaq yanapawasun Allpantinpi hawkalla kawsanapaq?
Tukuy Atiyniyoq Diosmi prometewanchik runakunapa gobiernonta chinkachispan paypa Gobiernonña kamachiwananchikpaq (Daniel 2:44). Chay gobiernopi kamachiqqa churin Jesucristom kanqa, Bibliam paymanta nin: “Hawkayay Qokuq”, nispa. Paymi tukuy mana allinta chinkachinqa, chaymantapas runakunamanmi yachachinqa hawkalla kawsanankupaq. (Leey Isaias 9:6, 7; 11:4, 9.)
Millonnintin runakunam Cristopa yanapayninwan chaynataq Bibliawan Allpantinpi runakunaman yachachichkanku hawkalla kawsakuyta. Hamuq tiempopiqa hawkayaypiñam kawsakusunchik. (Leey Isaias 2:3, 4; 54:13.)