QARANPI KAQ YACHACHIKUY | DIOSQA KUYAKUYWANMI QAWASUCHKANKI
Diosqa sientesunkim
“Llakisqa hinaspa wakcha kaptiypas Jehova Diosqa sientewanmi.”a ÑAWPAQ ISRAEL NACIONPI REY DAVID
‘Paypaqqa nacionkunam [. . .] sutuy yaku hinalla.’ (ISAIAS 40:15)
¿Imanasqataq Davidqa seguropuni karqa Diosqa paypi sientesqanmanta? ¿Diosqa ñoqanchikpipas reparanchu? Achka runakunam piensanku Tukuy Atiyniyoq Diosqa runakunapi mana sientesqanta. ¿Imanasqa?
Diosqa runakunamanta astawan atiyniyoq kasqanraykum. Payqa llumpay atiyniyoqmi chaymi Biblia nin: “Paypaqqa nacionkunaqa puyñupi puchuruq sutuy yaku hinallam. Paypaqqa nacionkunaqa balanzapi ñutu polvo hinallam”, nispa (Isaias 40:15). Diospi mana creeq runam nirqa: “Runakunamanta Dios sientesqanpi creeyqa penqaypaqmi”, nispa.
Hukkunañataqmi piensanku mana allin ruwaq kasqankurayku paykunamanta Dios mana sientesqanpi. Jim sutiyoq runam nin: “Mana allin genioyoq kayniypi yanapawananpaqmi Diosta sapa kuti mañakuq kani, ichaqa mana controlakuspam chaylla piñakuq kani. Chaymi piensarqani mana allin runa kasqayrayku Diospas yanapawayta mana atisqanpi”, nispa.
¿Diosqa llumpay karupichu kachkan ñoqanchikmanta mana sientewananchikpaq? ¿Llakipayawanchikchu pantaq kaptinchikpas? Chaykunamantam yachachwan Diospa yanapayninwan. Diosqa Bibliantakamam yachachiwanchik payqa mana llumpay karupi kasqanta chaynataq runakunapi reparasqantapas. Chaymi Biblia nin: “[Diosqa] manam karupichu ñoqanchikmantaqa kachkan”, nispa (Hechos 17:27). Chayna kasqanmantam qatiqnin tawa yachachikuykunapi Bibliapa yachachisqanta yachasunchik, chaynataq imakunata ruwaspan sapakamapi Dios sientewasqanchikmantapas.
a Salmo 40:17, NM. Bibliam nin, Diospa sutinqa Jehova kasqanta.