Tapuykuna

◼ ¿Imaynatam rurana congregacionpi kamachiykunata?

Jehová Diospa llaqtanpi congregacionpa imapas allin rurasqanqa llapanchikpa kallpachakusqanchikmi (1 Cor. 14:33, 40). Piensay huk huñunakuyllapaq congregacionpi tukuy rikchaq arreglokuna rurakusqanpi. Kanmi arreglokuna programapi discursokunapaq, huñunakuy manaraq qallarichkaptinpas, huñunakuy tukuptinpas, chaykunapaqmi llamkanku chaypaq asignasqa wawqe panikuna. Importantellataqmi hukkunapa mana rikusqan ruraykunapas. ¿Imaynatam kay ruraykunapi yanapanchikman?

Ofrecekuy yanapanaykipaq. Yanapay munaqkunapaqqa achkam rurana (Sal. 110:3). Yanapariy onqosqakunata, yuyaqkunata. Salón del Reino pichaytapas. Achkatam ruranchikman mana pipa mañasqallan. Chaypaqqa yanapaytam munananchik.

Mana hatunchakuspa serviy. Mana hatunchakuqkunaqa munankum hukkuna serviyta (Luc. 9:48). Mana hatunchakuqkunaqa manam chaskinkuchu mana ruray atinanku ruraykunata. Manataqmi hukkunatapas abusankuchu. (Pro. 11:2).

Confianapaq hina kay. Moisestam Jehová kallpacharqa Israelpi kamachi ruranankupaq “cheqap rimaq [“confianapaq hina”, NM] qarikunata” akllananpaq. (Éxo. 18:21). Chayna runakunallataqmi kay tiempopipas necesitakun. Chaymi, allinta ruray ima kamachisqatapas (Luc. 16:10). Ima kamachiytapas mana rurayta atispaqa, hukman chayta encargay qampa rantikita rurananpaq.

Allinta ruray. Cristianokunaqa tukuy sonqowanmi llamkananku huk runakunapaq llamkaspapas (Col. 3:22-24). Chaymi, astawanraq kallpachakunanchik Dios adoranapaq llamkaspaqa. Uchuyllaña rurana kaptinpas, congregacionqa beneficiakunmi allin rurasqawan.

Imapas ruranapaq kamachisqa kasqanchikwanmi rikuchichwan Jehovatapas, wawqe paninchikkunatapas kuyakusqanchikta. (Mat. 22:37-39). Chayrayku, ima ruranapaqpas kamachisqa kaspaqa tukuy sonqonchikwan rurasun.