¿Churiki atinmanchu yuyayniyoq hina decidiyta?
1. ¿Imatam rurarqaku wakin mozo cristianokuna yawar churachikuymanta? Huk ejemplota qoy.
1 Yuyayniyoq hina decidiy, ¿imamanta? Yawar churachikuymanta. Imaynam yachachirqa La Atalaya 15 de junio de 1991 “Ande como instruye Jehová” nisqanpi, wakin Jehová Diospa Testigonkunapa churinkunam sunita takyanku iñiyninkupi hinaspa qawachinku yuyayniyoq hina tanteakusqankuta, tayta-mamankuna hinam kasukuyta munanku Jehová Diospa yawar kamachisqanmanta. ¿Atinmanchu sullka kaq churiki chaynalla rurayta?
2. ¿Imam qawakuchkan nacionpa leyninkunapi sullka mana yawar churachikuy munasqanmanta, hinaspa imatam kaymanta yachananku cristiano tayta-mamakuna hinaspa sullka churinkunapas?
2 ¿Imatam nin ley? Perú leyninkunapim nin, sullka kaq churiqa manam atinmanchu llapanpiqa munasqanta decidiyta onqochkaspaqa. Wakin leykunam ninku, sullka churi-wawakunata imawanpas onqochkaptin trataspaqa, funcionarios judiciales nisqankum uyarinanku sullkapa rimasqanta (Código de los Niños y Adolescentes, Artículo 9). Kayna leykunaqa qawakunmi wakin nacionkunapa leyninkunapipas. Ejemplopaq, Estados Unidos nacionpi Juezkunam nirqaku chunka qanchis watayoq paninchik mana yawar chaskisqan derechonmanta: “Sichum pruebakuna convencenapaq hina kanqa chaymantapas sutilla sullka yuyayniyoq hina yachan imapim tukunman decidisqan, hinaspa [...] piensayninpas kanman yuyayniyoq runapa hina, chaynaqa sullka yuyayniyoq kasqanraykum, ley derechonta qon akllananpaq ima tratamientotam munanman chaskiyta”. Chayraykum, atinmanku doctorkuna otaq juezkuna sullka onqoqwan rimayta, qawanankupaq yuyayniyoq kasqanta hinaspa uyarinanpaq imanasqam mana munanchu yawar chaskiyta. Mozoqa manam nisyu onqosqallantachu allinta yachanan nitaq akllasqan tratamiento imapim tukunanta; chaymantapas iñisqantam atinan claro willayta confianzawan Diospa kamachisqan yawarmanta.
3 ¿Ima tapukuykunamantam tayta-mamakuna allintapuni yuyaymanananku, hinaspa imanasqa?
3 ¿Imatam ninqa churiki? ¿Atinmanchu churi-wawaykichikkuna kaykunamanta rimayta? ¿Segurochu kachkanku sonqonmantapuni Jehová Diospa kamachisqan “amam mikunkichikchu yawartaqa”? (Hech. 15:29; 21:25.) ¿Atinmanchu Bibliawan explicayta iñisqanmanta? ¿Manaña tayta-mamanpas qayllanpi kaptinku chaymanta doctorkuna ninmanku wañunkim nispa, valorwanchu sunita kasukunman yawarmanta? Imaynam ‘sapakamapaq hamun qonqaymanta tiempon’, ¿imaynatam churikita yachachiwaq qonqaymanta suni kayninta pruebapi churakuptin? (Ecl. 9:11; Efe. 6:4.)
4, 5. a) ¿Ima obligacionmi kan tayta-mamakunapaq, hinaspa imaynatam rurayman churanmanku? b) ¿Tayta-mamakunapa ima yanapakuykunam kan yachachinankupaq?
4 Atinkichikmanmi kay rurayta, tayta-mamakuna: Qamkunapam debernikichik yachachinaykichikpaq churi-wawaykichikta imaynatam Jehová Diosqa qawan yawarta (2 Tim. 3:14, 15). Tarinkichikmi Razonamiento libropi, 345-348 paginankunapi yawar rimasqanmanta. Aylluykikunawan allintapuni estudiay. Servichikuspayki kay nisqanwan “Si alguien dice...” 348-350 paginankunapi, churi-wawaykichikwan practicaychik paykuna yachanankupaq explicayta imapim iñinku hinaspa imanasqa (1 Ped. 3:15). Wakin yanapakuykunapas kayna sasachakuykunata atipanapaq kaykunam, ¿Cómo puede salvarle la vida la sangre? folleto hinaspa La Atalaya 15 de junio de 2004, 14-24 paginankunapi. Chaymantapas, kay videokuna Asistencia médica sin transfusiones. Necesidades y derechos del paciente y La negativa a la sangre. La medicina acepta el reto —kunanqa kanmi DVD nisqanpi, Alternativas a las transfusiones. Serie documental— kaykunam qawachiwanchik allin kaq doctorkunapa rurasqa aparatokunata servichikunapaq, hinaspa operachikunapaq mana yawarwan. ¿Aylluykiwan ñachu qawarunkiña hinaspa yuyaymanarunkiñachu kay videokunamanta?
5 Yanapaychik churi-wawaykichikta yawarmanta, ‘yachanankupaq Diospa munasqanta, imam allin rurayta, imam agradonpaq kasqanta hinaspa imam allinpuni kasqanta’. Kayna sasachakuykuna chayaramuptin, atinmankum yuyayniyoq hina decidiyta Jehová Diospa favorninta chaskinanpaq (Rom. 12:2).