Cuerpo Gobernante nisqanpa cartan
“Dios Taytanchiktawan Señorninchik Jesucristotam mañakuchkani favorecesunaykichikpaq hinaspa hawkallata kawsachisunaykichikpaq.” Kayna saludo congregacionkunaman Pablo cartanpi apachisqantam ñoqaykupas kaqllata qankunapaq munaniku (Efe. 1:2).
¡Anchatam agradecekunchik Jehová Diosta rantinchikpi churin Jesucristota wañunanpaq qowasqanchikmanta! Chayraykum favorninta chaskinchik, manam chaytaqa haykapipas kikinllanchikmantaqa qaypachwanchu, maynataña Bibliata estudiaspapas, predicaspapas nitaq ima allinkunataña ruraspapas. Huchanchikmanta panpachawayninchikwan wiñay kawsayqa manan rurasqanchikpa pagonchu, aswan Jesucristontakama kuyakuyninpi Jehová Diospa regalonkuna qowasqanchikmi (Rom. 11:6).
Iñiqmasinkunatam Pablo qellqarqa: “Ruegakamuykiku, amayá despreciaychikchu Diospa hatun favornintaqa. Paymi nin: Favorecenay tiempopim uyarirqayki. Salvanay punchawpim yanaparqayki. Kunanqa favorecenan tiempoñam, kunanqa salvanan punchawñam”. Punta siglopi manaraq Jerusalén llaqta purmachisqa kachkaptinmi “favorecena tiempo” karqa, chaymi sonqomanta Jehová Diosta kuyaq runakuna espiritualpi salvakurqaku. Hinaptinmi wañuymantapas salvakurqaku sonqomanta kasukuq lluptiqkuna 70 watapi manaraq chay llaqta purmachisqa kachkaptin (2 Cor. 6:1, 2).
Kunanpas ‘favorecena tiempopi’ hinaspa ‘salvana punchawpim’ kawsanchik. Jehová Diospa siervonkuna hina reqsichikuqkuna hinaspa espiritualpi salvasqa kaqkunam wañuymanta salvakunqaku hichpaykamuq Diospa ‘hatun punchawninpi’ (Sof. 1:14).
Jehová Diospa punchawnin hichpaykamusqanraykum makinchikpi hatu-hatun ruray kachkan. Manam willayllachu willananchik runakunataqa, aswanmi yanapananchik allin sonqoyoqkunata Jehová Diospa kuyakuynintakama salvakunankupaq. Pablom allinta yacharqa predicaynin mana yanqa kasqanta, chaymi nirqa: “¡Imaynaraq kayman allin noticiata mana willakuspayqa!” Chaymantapas imayna sientekusqantam willawanchik kay rimaykunawan: “Willanaypunim educadokunamanpas chaynataq mana educasqakunamanpas [...] Llumpayta munachkani Jesucristomanta allin noticiakuna willaykuyta” (1 Cor. 9:16; Rom. 1:14, 15).
Runamasinchikkunata mana predicaptinchikqa Jehová Diosmi cuentata mañawasun. Jehová Diospa Ezequiel profetanpa nisqantam yuyarinchik: “Runapa churin qamtam churaykuyki llaqta cuidaqta hina Israelpa castankunapaq. Imapas qanman willasqaytam ñoqapa rantiypi paykunata qaqchanki. Ñoqam mana allin ruraq runata niyman: “Wañunkipunim” nispa. Sichum chay mana allin ruraq runata mana rimapayankichu chay mana allin kawsasqanmanta chaynapi musyakuspan kawsananpaq hinaptinqa chay mana allin rurasqanmanta mana wanakusqanraykum wañurunqa. Ichaqa chay wañurusqanmantam cuentata mañasqayki” (Eze. 3:17, 18).
Sasa kawsaymi kay tukupay tiempokunapiqa. Sasaniraqmi tiemponchik haypachiyqa ayllunchikpaq, llamkanapaq, predicanapaq hinaspa congregacionpi ima ruranapaqpas. Chaymantapas, yaqa llapaykichikmi atipankichik sinchi llakikuynikichikta, onqoykunata, machu-payayaynikichikta hinaspa contraykichikpi churakuqkunatapas. Yachanikum yaqa llapallaykichik “qepichkaq hina” sasachakuykunawan kasqaykichikta, chaymi pasasqaykichikta entiendemuykichik imaynam Jesuspas nirqa: “Hamuychik ñoqaman llapallan pisipasqakuna hinaspa qepichkaq hina ñakariqkuna, ñoqam samachisqaykichik” (Mat. 11:28). Llapaykichikyá kusikuyniykuta chaskiychik mana Jehová Diosta saqespaykichik hinalla servisqaykichikmanta ima sasachakuykunaña kaptinpas.
Tukuy sonqoykichikwan predicasqaykichiktawan yachachisqaykichiktam Jehová Diosqa bendecirqa, chayna kasqantam qawanchik allpantinpi sapa semana 4.762 hina bautizakusqankupi. Chaynallataqmi, qayna servicio watapi 1.375 mosoq congregacionkuna yapakurqa. Jehová Diostam mañakuniku ¿Qué enseña realmente la Biblia? nisqan mosoq librowan, pachak iskaychunka rimaykunapiña rurasqa kaspan, Diospa favorninta hinaspa hawkayayninta wara-waranqantin runakuna chaskinankupaq hichpamuq ‘salvana punchawninpi’.
Yuyariychikyá kuyasqaykutawan qankunapaq mañapusqaykuta. Agredecekamunikutaqmi ñoqaykupaq mañakusqaykichiktapas.
Wawqekichikkuna,
Jehová Diospa Testigonkunapa Cuerpo Gobernante