Allintayá iñiyninchiktaqa qawachisun
1. ¿Ima pasananmantam llakikunapaq hina Jesusqa willakurqa?
1 Atencionwanmi Jesuspa willasqanta apostolninkunaqa uyarirqaku Jesucristo ñoqanchikwanña kananmanta chaynataq puchukay tiempopiña kananchikmantapas. Lliw runakunaqa llumpay sasachakuypim tarikunanku karqa: guerrakunawan, muchuykunawan, terremotokunawan chaynataq tukuy mana allin ñakariykunawanpas... Cristopa cheqap qatiqninkunaqa cheqnisqa, dañasqa hinaspa wakinñataq wañuchisqam kananku karqa. Diosmanta willakuq tukuqkunapas kanantaqmi karqa hukkunata engañanankupaq. Chaymantapas yaqa lliw runakunapa kuyakuyninku chiryananmantapas nirqam.
2. ¿Imanasqataq admirakuyllapaqña allpantinpi Diosmanta allin noticia predicayqa kachkan?
2 Chayna llakikuypaq Jesuspa willasqanwanqa qatiqninkunaqa sasa ruraypaqchá piensanmanku karqa allpantinpi Diospa Gobiernonmanta allin noticiata predicanankumantaqa (Mat. 24:3-14). Jesuspa chay willakusqanqa kunan tiemponchikpim cumplikuchkan. Sasachakuy tiempopi kaspanchikpas Jehová Diospa testigonkunaqa kusisqam Diosmanta allin noticiata willakunchik. Kay pachapi runakunapa kuyakuyninqa chiryachkanmi, kuyakuyninchikñataqmi lenguachkaq nina hinam sapa punchaw astawan yapakuchkan. “Llapa runakuna” cheqniwaptinchikpas allpantinpim hinalla predicachkanchik.
3. Allpantinpi rurasqanchikmanta willakuypiqa ¿ima yapakusqanmantataq kusirikunapaq hina tarinchik?
3 Reinopaq Servicionchikpi 3 kaq paginanmanta 6 kaq paginankamam Jehová Diospa testigonkunapa qayna wata rurasqankumanta willachkan. Chaymanta yachayqa kallpanchawasunmi. Ejemplopaq: chunka soqtayoq watañam predicaspa chaynataq runamasinchiktapas Jesuspa qatiqninkuna kanankupaq yanapaspa waranqa millon horasta rurasqanchikpi masyanchik. ¡Mayna allinmá iñiyninchikta chaynata qawachiyqa! Qayninpa wata 2005 septiembre killamanta 2006 agosto killakama rurakusqanwan hinaspa qayna wata 2007 agosto killakama rurasqanchikwan tupachiptinchikmi 39,361.004 precursorkuna yapakurun, 215,693.474 publicadorkunam yapakurun chaynataq 288,702.744 Bibliata estudiaqkunapas yapakurunku. Bautizakurqakuñataqmi 59,959 runakuna. ¡Mayna kusikunapaqmá yaqa qanchis wara-waranqa runakunawan Jehová Diosta tukuy sonqonchikwan servisqanchikta qawayqa! ¡Manamá ima tiempopipas kaynataqa rurakurqachu! Kay willakuykunamantaqa ¿ima allin willakuykunatawanraqtaq tarinchik?
4. ¿Ima sasachakuykunatataq bautizakunanpaq Guillermoqa atiparqa?
4 Manamá qonqananchikchu, llampu sonqo runakuna kaptinkuraqmi admirakuyllapaqña allpantinpi Diospa llaqtanqa yapakuchkan. Ejemplopaq. Bolivia nacionpim 1935 watapi Guillermo sutiyoq runa nacerqa. Paymi isqon watachanmantapacha coca plantaypi llamkarqa. Chaymi llumpay llamkasqanpi aguantananpaq warmachanmantapacha coca akuyta yacharuspan amañarurqa. Tiempopa risqanpim llumpay trago tomayta hinaspa cigarro pitayta yacharurqa. Guillermoqa Jehová Diospa imam mañasqanta yacharuspanmi trago tomayta chaynataq cigarro pitaytapas dejarurqa. Coca akuytam ichaqa mana dejayta atirqachu. Jehová Diosta sapakuti oracionpi mañakuspanmi chay rurayta dejarurqa. Chay viciokunata dejaruspanmi bautizakurqa. Chaymi pay nin: “kunanqa chaykunamanta librakuspaymi kusisqaña tarikuni” nispa.
5. ¿Ima ruraytataq munanchik?
5 Jehová Diosqa anchatam runakunapi interesakun. Ichaqa munanmi huchankumanta wanakuspa payman kutirikunankuta (2 Ped. 3:9). Ñoqanchikpas chayna ruraytachá munanchik. Chaynaqa llampu sonqo runakunatayá sonqonchikmanta yanapasunchik Jehová Diosta reqsispanku ñoqanchik hina paykunapas kasukunankupaq.