“Ven, sé mi seguidor”
1. ¿Imapim yanapakunqa “Ven, sé mi seguidor” nisqa libro?
1 Mateo, Marcos, Lucas hinaspa Juan librokunam allinta willawanchik kay pachapi Jesuspa vidanmanta. ‘Paypa ejemplonta qatikuyta’ munasqanchikraykum, atencionwan hinaspa allinta preparakuna “Ven, sé mi seguidor”a nisqa librota Biblia Estudianapaq Huñunakuypi estudiakuptin. Kaytam estudiakuchkanqa marzo killapa qallariynin semanamanta. (1 Ped. 2:21; Mar. 10:21.) Aswanraqmi reparana predicanapaq kallpanchakuq yachachikuykunapi.
2. ¿Imaynatam yanapawachwan Jesuspa ejemplon?
2 Jesuspa ejemplonmanta. ¿Imaynam tarikunki predicacionpi mana allinta chaskisuptiki? Yaqapaschá yuyarinki Jesuspa kayna nisqanta: “Ñoqatam perseguiwarqaku, chaynaqa qamkunatapas perseguisunkichikmi” (Juan 15:20). Arí, mana allinta chaskiwaptinchikqa manam llapallanpiqa nichwanchu qatikachasqa kasqanchiktaqa. Jesusqa achka ñakariykunapi tarikuspanpas, Diospa prometesqanta yuyarispanmi aguantarqa. Ñoqanchikpas Diosta kusichisqanchikpi hinaspa kasukusqanchikmanta suyakuyninchikpi piensaspaqa, kallpatam tarisun mana hukmanyarunapaq (Heb. 12:2, 3; Pro. 27:11). Sichu predicanapaq hinalla kallpanchakuptinchikqa, Jesucristoqa yanapawasunchikmi (Mat. 28:20).
3. ¿Imaynatam Jesus hina predicayta qawananchik?
3 “Chaypaqmi ñoqataqa kachamuwarqa.” Jesuspa vidanpiqa Diospa Gobiernonmanta predicaymi puntapi karqa (Luc. 4:43). Payqa predicananpaqmi tukuy kallpanta qorqa. Utqayllamanñam chayta rurarqa, kallpanchakurqataqmi maypipas predicananpaq. Ñoqanchikpas qatiqninkunam kanchik. ¿Imapaqtaq kallpanchawanchik? ¿Atichwanchu maypipas predicayta? Jesusta kuyasqanchikraykuyá kallpanchakusun tukuy kallpanchikwan predicanapaq (2 Cor. 5:14).
4. ¿Imakunata ruraspam allinta predicachwan?
4 “Manam pipas pay hinaqa rimarqachu.” Jesuspa imayna yachachisqanqa runakunatam admirachirqa (Juan 7:46; Mat. 7:28, 29). ¿Imanasqa? ¿Imapitaq huk yachachiqkunawan mana chaynallachu karqa? Jesusqa kuyarqam runakunatawan yachachisqankunata, servichikurqataqmi imaymana yachachikuykunatapas. Chaynaqa Jesusta qatipakuspaqa, allintam predicasun (Luc. 6:40).
5. “Ven, sé mi seguidor” librota estudiaspa, ¿imapaqmi kallpanchakusun?
5 Jesusmanta kaypi yachasqanchikkunaqa, paypa vidanmanta wakin sumaq yachachikuykunallam. ¿Ima yachachikuykunataraqmi tariwaq? Kay librota estudiaspaqa kallpanchakuy Jesuspa rimasqanta hinaspa rurasqanta qatipakunaykipaq, chaynapi “Cristopa kuyakuyninta” reqsinaykipaq (Efe. 3:19).
[Willakuy]
a Kay qellqataqa castellano congregacionkunallam estudiachkanqaku. Quechua congregacionkunaqa hinallam Diospa Kuyakuynin librota estudiachkanqaku.