Predicasqanchikmi qawachin pacienciakuq kasqanchikta
1. ¿Imaynatam runakunapaq pacienciakuq kasqanta Jehová Dios qawachin?
1 Runakunapaq pacienciakuq kasqantam Dios qawachin (Exo. 34:6; Sal. 106:41-45; 2 Ped 3:9). Ancha pacienciakuq kasqantam qawachin Gobiernonmanta enteron Pachapi willachispan. Diosqa yaqa 2.000 watañam llampu sonqo runakunata yanapachkan payta reqsinankupaq, hinallam chayta rurachkan (Juan 6:44). ¿Imaynatam predicacionpi qawachichwan Diospa pacienciakuyninta?
2. ¿Imaynatam pacienciakuq kasqanchikta qawachichwan predicasqanchik lawpi?
2 Wasin-wasin predicaspa. Diospa pacienciakuynintam qatipakunchik payta mana reqsiy munaqkunaman ‘mana samaristin’ predicaspa (Hech. 5:42). Mana uyariyta munaptinku, burlakuptinku hinaspa contranchikpi kaptinkupas aguantaspanchik (Mar. 13:12, 13). Biblia estudiay munaqkunata wasinpi sasa tarina kaptinpas pacienciakuq kasqanchiktataqmi qawachinchik muhuta maqchichkaq hina predicaspanchik.
3. ¿Imanasqam pacienciakunanchik yapamanta watukuspa chaynataq estudiachispapas?
3 Bibliamanta yachachispa. Tarpusqanchikta qespichiyqa sasam. Wanuptinchikpas manam chayllachu wiñarun (Sant. 5:7). Chaynallataqmi Bibliata estudiaqkunapas pisi-pisimanta iñiyninkupi wiñanku (Mar. 4:28). Yaqapaschá estudiantenchikkuna sasachakunku Bibliapa nisqanwan mana tupaq costumbrekunata otaq creenciakunata saqenankupaq. Manam hikutanachu cambiaspa iñiyninpi chaylla ñawparinanpaqqa, aswanmi pacienciawan suyana sonqonta chuya espiritu kicharinankama (1 Cor. 3:6, 7).
4. ¿Imaynatam pacienciakuq kayqa yanapawanchik ayllunchikkunaman predicanapaq?
4 Diosta mana reqsiq ayllukuna. Ayllunchikkuna Diosmanta cheqapta yachanankuta tukuy sonqonchikwan munaspapas pacienciawanmi suyananchik haykapipas iñiyninchikmanta willanapaq, ichaqa kallpanchakunanchikmi tukuyta willaspa mana hukmanyarachinapaq (Ecl. 3:1, 7). Imayna kawsasqanchikwanmi predicana hinaspapas listom kananchik iñiyninchikmanta sumaqllata chaynataq respetowan willanapaq (1 Ped. 3:1, 15). Predicasqanchikpi pacienciakuq kasqanchikta qawachispaqa allintam predicasunchik, chaymantapas hanaq pachapi Taytanchikpa sonqontam kusichisun.