Willakuykuna

◼ Predicanapaq qellqakuna febrero killapi: Familiaykiwan kusisqa kawsakuy, niq librowan. Marzo killapi: Yachachiq librowan. Kallpanchakuy chayllaraq watukusqaykipi estudiota qallarinaykipaq. Watukusqaykipa chay libron kaptinpas estudiayta mana munaptinqa, munachiy ñawpa killakunapi chaskisqayki revistata otaq leey munasqan mayqen folletotapas. Abril hinaspa mayo killapi Llaqta Cuidaq revistawan. Uyarisuqniki astawan yachayta munaptinqa qoy ¿Munawaqchu cheqapmanta yachayta?, niq tratadota hinaspa kallpanchakuy estudiachiyta qallarinaykipaq. Jesuspa wañusqanta yuyarinapaq huñunakuyman otaq mayqen huñunakuymanpas hamuqman kaqmanta watukuspaqa kallpanchakuy Yachachiq librowan estudiachiyta qallarinaykipaq.

◼ Jesuspa wañusqantam yuyarisun abril 5 punchawta, qatiqnin semanatañataqmi kanqa kayna sutichasqa discurso: “¿Piensasqaykimantapas aswan hichpallapiñachu kachkan tukupay punchawqa?”.

◼ Chayllaraq lloqsimuq Anuario libropa tukupay paginanpi riy munasqayki nacionpa sutin mana rikuriptinqa ama hina kaspa Betel wasipi cuentallikuqkunata tapukuy imakunapi reparanaykipaq, ichapas chay nacionpiqa Diospa Gobiernonmanta willakuyta michakuchkanku (Mat. 10:16). Wankin nacionkunapiqa manam allinchu kanman Testigokunata maskayqa. Betel wasipim nisunki Bibliamanta qellqakuna apanaykimanta otaq mana musyachikuspalla predicanaykimantapas. Chayman hina ruraspaykiqa manam sasachakuypiqa tarikunkichu, manataqmi chay nacionpiqa Diosmanta willakuytapas yanqachankichu (1 Cor. 14:33, 40).

◼ Abril-Mayo Llaqta Cuidaq revistamantapacham predicananchikpaq kaq revistapi lloqsimunqa “Bibliamanta yachasqaykuna” niq yachachikuy. Chayqa tanteasqam kachkan iskay otaq kimsa watachayoq warmachankuman tayta-mamakuna yachachinankupaq. Wakin kutipi chay yachachikuy mana lloqsimuptinqa “Churi-wawaykichikta yachachiychik” otaq “Mozo-sipaskunapaq” niq yachachikuymi lloqsimunqa.