Jesuspa wañukusqanraykum wañuqkunaqa kawsarimunqaku

Jesuspa wañukusqanta yuyarinapaq punchawmi yanapawasun wañukusqanrayku imakuna chaskinanchikpi yuyaymananapaq. Wañukusqanraykum wañuqkunapas kawsarimunqaku. Diosqa manamá haykapipas munarqachu runakuna wañunantaqa. Chaymi pininchikpas wañukuptinqa llumpayta llakikunchik (1Co 15:26). Jesuspas Lazaro wañukuptin qatiqninkunapa waqasqankuta qawaykuspanmi llumpayta llakikurqa (Jn 11:33-35). Jesusqa taytan hinam, chaymi yachanchik llaki qatiwaptinchik waqasqanchikta qawaspan Jehova Diospas ñuqanchikmanta llakikusqanta (Jn 14:7). Chaymi Jehova Diosqa munachkan kasukuqnin runakunata kawsarichiyta, ñuqanchikpas chaytamá suyachkanchik (Job 14:14, 15).

Diosqa allin yuyayniyuq kasqanraykum tanteasqanman hina wañusqakunata kawsarichinqa (1Co 14:33, 40). Pampakuqkunamanta llakikuspa waqanamantaqa kawsarimuqkunata chaskispam kusikusunchik. Chaynaqa, ¿tiempochakunkichu pipas wañukuptin wañuqkuna kawsarimunanpi yuyaymananaykipaq? (2Co 4:17, 18). ¿Yaqachu Jehova Diosta agradecekunki wañuqkunata kawsarichimunanmanta hinaspa chay ruwananmanta bibliapi willawasqanchikmanta? (Col 3:15).

• ¿Pi aylluykiwantaq utaq amistadnikiwantaq kawsarimuptin tupaykuyta munawaq?

• ¿Ñawpaq tiempopi Diosta yupaychaq mayqan runawantaq rimayta munawaq?