¿Ima ninanchikmi warmacha lluqsimuptin?

Punkuta takaykuptinchik warmacha lluqsimuptinqa tayta-mamanta qayamunanpaqmi ninanchik, chaynata ruwaspam qawachisun paykuna respetasqanchikta (Pr 6:20). Yaykunanchikpaq warmacha niwaptinchikpas manam yaykunanchikchu. Tayta-mamanpa tiempon mana kaptinqa hukpiñam kutinanchik.

Mozo-sipasña lluqsimuptinpas allinmi kanman tayta-mamanta qayaykamunanpaq niyqa. Tiemponku mana kaptinqa mozo-sipastam tapuchwan sichu mayqin qillqanchiktapas leenanta tayta-maman saqisqankuta. Arí niptinqa, quchwanmi mayqin qillqanchiktapas hinaspam nichwan jw.org nisqaman yaykunanpaq.

Diosmanta yachay munaq mozo-sipasman yapamanta watukuspaqa ninanchikmi tayta-mamanta riqsiykuy munasqanchikta. Chaynapim tayta-mamankuman willasun imanasqa watukusqanchikmanta hinaspa ayllukunapaq bibliapi yanapakuy kasqanmantapas (Sl 119:86, 138). Tayta-mamakuna respetasqanchikqa allinmi kanqa, chaymi yanapawasun yapapipas ayllukunaman sumaq willakuyta willakunanchikpaq (1Pe 2:12).