Warmaykikunata yanapay unanchaqninchik Dios kasqanmanta mana iskayrayanankupaq

Tukuy unanchasqakunam qawachin Diosqa ancha yachayniyuq hinaspa atiyniyuq kasqanta (Sl 19:1-4; 139:14). Ichaqa, satanaspa umachasqan runakunam ninku kay pachapi tukuy imaymana kawsaykunaqa kikillan rikurisqanmanta (Ro 1:18-25). ¿Imatam ruwawaq warmaykikuna chaynata mana piensanankupaq? Uchuychankumantapacha yachachiy Jehova Dios kasqanmanta mana iskayrayanankupaq, yachachiytaq Diosqa paykunata kuyasqanmantapas (2Co 10:4, 5; Ef 6:16). Kallpanchakuy escuelankupi yachachimusqankumanta ima piensasqankuta yachanaykipaq, servichikuytaq Diospa llaqtanpa hurqusqan achka yanapakuykunata sunqunman chayanaykipaq (Pr 20:5; Stg 1:19).

QAWAYCHIK WAKIN MOZO-SIPASKUNAPA IMA NISQANKUMANTA: DIOSPI CREEYMANTA SUTIYUQ VIDEOTA, HINASPA QATIQNINPI TAPUKUYKUNAMANTA RIMARIYCHIK:

• ¿Ima ninkutaq runakunaqa Diospi creeymanta?

• ¿Ima ninkutaq escuelaykipi utaq colegioykipi Diospi creeymanta?

• Qamqa, ¿imanasqataq mana iskayrayankichu Jehova Dios kasqanmanta?

• ¿Imaynatam wakinman yachachiwaq tukuy imaqa Diospa unanchasqan kasqanmanta mana iskayrayananpaq?