¿Tukuy sunquykiwanchu Jehova Diospa nisqankunapi hapipakunki?

Josueywan Salomonmi willakurqaku Jehova Diospa tukuy ima nisqanqa cumplikusqanta (Jos 23:14; 1Re 8:56). Paykunapa willakusqankum yanapawanchik Diospa nisqankunamanta ñuqanchikpas mana iskayrayanapaq (2Co 13:1; Tit 1:2).

Josueypa tiemponpi Jehova Dios ima nisqankunata cumplisqanmanta yachanaykipaq, aylluykiwan qaway Tukuy ima prometesqantaqa cumplirqapunim niq videota. Hinaspa qatiqninpi tapukuykunamanta rimariychik: 1) ¿Imaynatam Rahab sutiyuq warmipa iñiyninta qatipakuchwan? (Heb 11:31; Stg 2:24-26). 2) ¿Imatam yachachwan Diosta mana kasukusqanrayku Acar (Acan) sutiyuq runata ima pasasqanmanta? 3) ¿Imanasqataq Gabaon llaqtayuqkunaqa Josueyta sacrellawan engañarurqaku peleayta yachaq runakuna kachkaspankupas? 4) ¿Imaynatam Diosqa Amor casta runakunapa pichqa kamachiqninkunamanta Israel nacionta librarqa? (Jos 10:5-14). 5) ¿Imaynatam Diosqa yanapasurqanki paypa munayninta puntapi churasqaykirayku? (Mt 6:33).

Jehova Diospa imakuna cumplisqanpi, imata kunan ruwasqanpi hinaspa imakunata hamuq punchawpi ruwananmanta yuyaymanaspaqa iñiyninchikpim kallpanchasqa tarikusun (Ro 8:31, 32).