¿Imataq yanapawasunchik Jehova Diosta hinaspa runamasinchikta kuyanapaq?

Jesuspa qatiqninkunaqa manañam Moisespa chaskisqan lliw kamachikuykunata kasukunapaqqa kamachisqachu kachkanchik, ichaqa Diosqa munanmi payta hinaspa runamasinchikta kuyanapaq kamachikuyta kasukunanchikta (Mt 22:37-39). Diosta hinaspa runamasinchikta kuyanapaqqa tukuytam ruwananchik, kallpanchakunanchikmi bibliata sapa punchaw ñawinchanapaq. Ñawinchasqanchikpi yuyaymanaspaqa yachasunmi Jehova Dios imayna kasqanta (Sl 27:4). Chaynata ruwaspaqa astawanmi Jehova Diosta kuyasunchik, hinaspapas pay hinam piensasunchik. Kuyasqanchikraykutaqmi kamachikuyninkunatapas kasukusunchik, runamasinchiktapas kuyasuntaqmi (Jn 13:34, 35; 1Jn 5:3). Qatiqninpim qawasunchik bibliata kusikuyllawanña ñawinchanapaq imakuna yanapawananchikmanta.

• Yuyaymananam ñawinchasqanchikpi. Ñawinchaspaqa chaypi kachkachwanpas hinam yuyaymanananchik. Qawachkachwanpas, uyarichkachwanpas hinam yuyaymanananchik. Yuyaymanananchikmi bibliapa willakusqan runakuna imayna tarikusqankupi.

  

• Manam chaynallatachu ñawinchana. Bibliatam ñawinchachwan uyarikuqta utaqmi grabasqa kaqkunata biblianchikpi ñawillanchikwan qatichwan. Qallariyninmanta tukuyninkama bibliata ñawinchanamantaqa bibliapa willakusqan huk kaqnin runamanta utaq imamantapas yachay munasqanchikmantam ñawinchachwan. Jesusmanta astawan yachanapaqmi servichikuchwan Bibliata estudianapaqmi yanapawasun niq qillqapa 4 hinaspa 16 yachachikuyninta . Ñawinchachwanmi bibliapa qillqankuna mayqin puntata qillqakusqanman hina utaq Diospa palabranta sapa punchaw estudianapaq qillqapi rikurimuq textopa capitulontapas.

  

• Ñawinchasqanchiktam entiendenanchik. Aswan allinqa huk capitulollatapas sapa punchaw ñawinchaspa entiendeymi hinaspa yuyaymanaymi, achka capitulota apurawllamanña ñawinchanamantaqa. Ñawinchasqanchikpa ñawpaqnin hinaspa qatiqnin kaqkunapi piensarisun, lliw ima nisqanta sumaqta entiendesun, astawan entiendenapaq qawasun mapakunata hinaspa bibliapi “Palabrakuna entiendenapaq listata”. Kallpanchakusuntaq imapas mana entiendesqanchik kaqkunamanta yachanapaq. Hayka tiempo bibliata ñawinchasqanchikman hinataqmi yuyaymananapaqpas tiempochakuchwan.