¿Yacharqankichu?
¿Imanasqataq Jehova Diosqa Israel runakunata kamachirqa palomata utaq kullkuta qunankupaq?
JEHOVA DIOSMI kamachispan Israel runakunaman nirqa palomata utaq kullkuta qunankupaq (Lev. 1:14; 12:8; 14:30). ¿Imaynanpitaq chayqa ancha allin karqa? Wakinpiqa sasa tariymi karqa kullkuqa. Qatiqninpiyá chaymanta astawan yachaykusun.
Kullku
Kullkukunaqa rupay tiempollapim Israel nacionpiqa kaq. Chiri tiempopiqa huklawmanmi ripukuq. Chaymi Israel runakunapaqqa sasa karqa chiri tiempopi kullkuta Jehova Diosman apayqa (Cant. 2:11, 12; Jer. 8:7).
Paloma
Palomakunatam ichaqa tukuy tiempo Israel runakunaqa uywaqku. Chaymi palomataqa ima killapipas apaqku (tupachiy Juan 2:14, 16 nisqanwan). Huk qillqam nirqa palomataqa yaqa lliw runakuna wasikunapa uchkunkunapi uywasqankumanta (tupachiy Isaias 60:8 nisqanwan).
Qisanpi paloma
¿Imatam kaywanqa Jehova Diosmanta yachanchik? Payqa ancha kuyakuq kasqanraykum Israel runakunamantaqa mañarqa imapas quy atisqallankuta, manam mañaqchu mana quy atisqankutaqa.