Allquchaykunata purichisqaymanta

Testigokunaqa kuyakuqllañam karqaku, allquchaykunatapas anchatam kuyaqku. Huk punchawmi Elaine sutiyuq señora carretachawan Diosmanta willakuchkasqa, paymi iskaynin chapu allquchaykunaman galletachata quykurqa. Chay punchawmantapacham chayninta puriptiykuqa ‘allquchaykunaqa carretachapa kasqanman aysawaq’, chaynapi galletachata mañakunankupaq.

Killakuna pasasqanman hinam allquchaykunaqa chupachanta waqtaspanku galletachankuta mikuqku. Ñuqapas testigokunawanmi parlayta qallaykurqani. Chaypaqqa 70 wataypiñam karqani, ichaqa testigokuna imapi creesqankuta mana yachasqayraykum iskayrayarqaniraq. Kikillaymi bibliamanta yachayta munarqani wakin iglesiakuna chiqap kaqta mana yachachisqankurayku.

Chaymanta qipamanmi achka testigokunataraq rikurqani carretachakunawan Diosmanta willakuchkaqta. Paykunapas kuyakuqllañam kasqaku. Imapas tapusqaykunatam bibliapa nisqanman hina yachachiwaqku, chaymi paykunamantaqa manaña iskayrayarqaniñachu.

Huk punchawmi Elaine niwarqa: ‘¿Yaqachu animalkunataqa Dios quwarqanchik?’, nispa. Ñuqañataqmi nirqani: ‘Arí’, nispay. Chaymi payqa leepuwarqa Isaias 11:6-9 nisqanta. Chaymantapacham astawan yachayta munarqani, ichaqa manaraqmi mayqin qillqatapas mañakurqaniraqchu.

Qatiqnin punchawkunapim, Elainepiwan chaynataq qusan Brentpiwan astawan parlarqani. Chaymi paykuna niwarqa Jesusta qatipakunaypaqqa Mateomanta Hechoskama leenaypaq. Chaytamá ruwarqani. 2016 watapim yaqa chawpi watapi bibliamanta yachayta qallaykurqani Brentwan chaynataq señoran Elainewan.

Kusisqallañam suyaq kani bibliamanta yachachiwanankupaq hamuptinkuqa, kusisqallañam huñunakuykunamanpas riq kani. Anchatamá kusikurqani bibliamanta yachasqaywanqa. Chaymanta huk wata partenmanmi bautizakurqani. Kunanqa 79 wataypiñam kachkani, ichaqa manam iskayrayanichu allin ñanpi kasqaymantaqa. Kunanqa ancha kusisqam tarikuni Jehova Diospa llaqtanpi kasqaymanta”, nispa.