¿Armagedonchu qallaykun Israel nacionpi guerrawan? | ¿Ima nintaq bibliapi?

Bibliapiqa manam ninchu: “Kay nacionpim utaq wak nacionpim qallaykunqa Armagedonqa”, nispanqa. Armagedonqa enteron allpa pachapim apakunqa, Dioswanmi llapallan Gobiernokunam peleanqa.

• Apocalipsis 16:14, 16 nin: “Chay rimaykunaqa demoniokunapa rimasqankum, [...] hinaspam enteron pachapi kamachikuqkunata huñuq rinku, rinkuqa tukuy atiyniyuq Diospa piñakuynin punchawpi guerraman huñumunankupaqmi [...]. Chaymantam kamachiqkunata huñururqa hebreo rimaypi Armagedon sutiyuq sitioman”, nispa.

Armagedon palabraqa hebreo rimaypiqa Har Meghiddóhn ninanmi, chay ninanqa “Meguido urqu” ninanmi. Meguidoqa ñawpaq Israel nacionpi llaqtam karqa. Chaymi wakin runakunaqa ninku: “Armagedonqa Israel nacionpim kanqa”, nispa. Ichaqa Meguido lawpas nitaq maypas Asia lawpiqa manam haypanmanchu ‘enteron pachapi kamachiqkunapaqwan’ militarkunapaqqa.

Apocalipsis libroqa apostol Juanpa “musquypi hina” qawasqanmi, rikchanachiykunawan qillqasqam kachkan (Apocalipsis 1:1). Chaynaqa, Armagedonqa manam huk sitiochu, aswanqa Diospa gobiernonpa contranpi enteron pachapi nacionkunapa hatarisqankum (Apocalipsis 19:11-16, 19-21).