Señorninchik Jesucristowanqa guerrakunaqa manañam kanqachu

Jesucristoqa kay pachapi kachkaspanmi runakunata kuyasqanrayku wañukurqa (Mateo 20:28; Juan 15:13). Chaymi manapas unaymanta taytanpa atiy qusqanwan ‘kay allpa pachapi wañuchinakuykunata chinkachinqa’ (Salmo 46:9).

Bibliapim nin Jesuspa imakuna ruwananmanta:

• ‘Payqa wakchatam yanapaykunqa, mana hatuntukuqtapas yanapaykunqam. Mana piyniyuqkunatawan wakchakunatam yanapaykunqa. Wakchakunatam harkaykunqa. Sasachakuymantawan ñakariymantam paykunataqa libraykunqa’ (Salmo 72:12-14).

¿Imaynatam Jesusta agradecikuchwan tukuy ima ruwasqanmanta chaynataq hamuq tiempopi ruwananmantapas? Hamuq tiempopi Diospa gobiernon imakunata ruwananmanta astawan yachaspanchikmi. Chaymantam señorninchik Jesucristopas yachachirqa (Lucas 4:43). Qawawaqtaqmi “¿Imataq Diospa munaychakuyninqa?” niq yachachikuytapas.