¿Ima takikunatataq, ima qillqakunatataq hinaspa ima videokunatataq testigokunaqa mana qawankuchu?

Jehova Diospa llaqtanpi punta apaqkunaqa manam niwankuchu ima takita, ima qillqata hinaspa ima videota mana qawanaykupaqqa. ¿Imanasqa?

Bibliam nin imam allin utaq imam mana allin kasqanmanta yachaspa sapakama tanteakunamanta (Hebreos 5:14).

Bibliapim kan yachachikuykuna imataq allin utaq mana allin kasqanmanta yachanapaq, chaykunam yanapawanku allin kaqkunallawan kusirikunaykupaq.a Imata ruwaspaykupas kallpanchakunikum Efesios 5:10 nisqanta kasukunaykupaq, ninmi: “Maskaychikqa Señorninchik agradaytayá”, nispa.

Diosmi tayta-mamaman kamachin wawa-churinkuta allinta uywanankupaq, chaymi paykunaqa wawa-churinkuta kamachinanku imakunata mana uyarinankupaq utaq mana qawanankupaqpas (1 Corintios 11:3; Efesios 6:1-4). Huñunakuyniykupiqa manam pipas niwankuchu ima takita, ima qillqata utaq ima videota mana qawanaykumantaqa (Galatas 6:5).