¿Imanasqam testigokunaqa cruzta mana servichikunkuchu?

Jesuspi yaqa lliw iñiqkunam cruztaqa servichikunku. Jehova Diospa testigonkuna Jesuspi iñispankupas, manam cruztaqa servichikunikuchu nitaq yupaychanikuchu. ¿Imanasqa?

Bibliapiqa manam ninchu cruzpi Jesus wañusqanmantaqa, aswanqa ninmi qirupi warkusqa wañusqanta. Chaymantapas Jesuspi iñiqkunatam kamachin: “Karunchakuychikyá taytacha-mamachakunamantaqa”, nispa. Diosta yupaychayninchikpi cruzta servichikuspaqa, taytacha-mamachakunata yupaychaq hinam kanman (1 Corintios 10:14; 1 Juan 5:21).

Chaymi kikin Jesuspas qatiqninkuna imayna riqsisqa kanankumanta, kaynata nirqa: “Kuyanakuptikichikqa llapallan runakunam yachanqa discipuloykuna kasqaykichikta”, nispa (Juan 13:34, 35).Jesuspa qatiqninkunaqa riqsichikunku runamasinta kuyasqankuwanmi, manam cruzta utaq taytacha-mamacha yupaychasqankuwanchu.