Caballopa chakin

CABALLOQA huk horallapim 50 kilometrota kallpanman. Kallpananpaq anchata kallpanchakuspanpas manam llumpaytachu pisipan. ¿Imanasqa? Chaypaqqa chakinkunam yanapan.

Caballopa chakinpi qalas aychankunawan ankunkunam jebe hina wiñatyan, chaymi pampaman llumpayta mana saruspan pawachkaq hina kallpan mana pisipaspan.

Chay ankunkunaqa kallpasqanman hinam katkatatan ichaqa mana llumpayta katkatatananpaqmi chakinpi qalas aychankuna yanapan. Chayna kasqanta estudiaqkunam ninku caballoqa chayrayku mana pisipaspa chaylla kallpaq kasqanmanta.

Caballo kallpananpaq chakin imayna yanapasqanta qatipakuspankum huk institucion tawa chakiyoq aparatota otaq robots nisqankuta ruwayta piensachkanku. Ichaqa llumpaytam sasachakuchkanku imamanta hinaspa imaynata ruwanankupaq (Laboratorio de Robótica Biomimética del Instituto Tecnológico de Massachusetts).

¿Ima ninkitaq? ¿Caballopa chakinqa kikillanmantachu chayna rikurirqa, icha unanchasqa kasqanraykuchu?