¿KIKILLANMANTACHU RIKURIRQA?
Kichka qara lagartocha ¿Imaynatam yakuta siminman chayachin?
CHAY animalcham tarikun Australia nacionpi, chay lagartocham yakuta siminman chayachin nuyu aqumanta utaq sullamanta. ¿Imaynatam yakuta tomananpaq siminman chayachin? Chayqa admirakuypaqmi.
Kichka qara lagartochapa hawa qaranpa ukunpim kan yarqachakuna hina yaku purinanpaq, chaynintam siminman yaku chayan
Kaypi piensariy: Chay lagartochapa qaranqa wakin challwapa qaran hinam qachqa. Yachaysapa runakunam piensanku chay animalchapa qaranpi hinaspa qaranpa ukunpi yarqachakuna hina kasqanta chaynataq qaranman chayaq sulla utaq ima yakupas chaynintakama siminman chayasqanta.
¿Imaynatam chay lagartochaqa yakuta chakinmanta siminkama chayachin? ¿Imaynatam imapas nuyu kaqmanta wiksachanwan qaquspan yakuta hurqun?
Yaqachusmi yachaysapa runakunaqa yacharunkuña imaynata chay lagartocha yaku tomasqanmanta. Chay lagartochapa hawa qaranpim kan yaku rinanpaq yarqachakuna hina, chayna yarqachakunataqmi kan qaranpa ukunpipas, chaymanmi hawa qaranmanta yaku yaykun. Chaypi kaq yarqachakuna hina kaqta chintichispanmi chakinmanta siminkama yakuta qispichin. Chay lagartochapa qaranmi yakuta millwa hina suqun.
Diospa unanchasqankuna imayna kasqanta estudiaq runam nirqa chay lagartochapa chaynataq huk animalkunapa yakuta imayna tomasqankuta qatipakuspa imatapas ruwanankumanta. Ruwanmankus aparatokunata tomanapaq yakuta waspiymanta huñunankupaq utaq wasikunapi rupapakuy mana kananpaq aparatokunatapas (Janine Benyus).
¿Ima ninkitaq? Kichka qara lagartochaqa, ¿kikillanmantachu rikurirqa icha unanchasqachu karqa?