Egiptomanta librakusqankumanta Israel nacionpi punta kaq reykama

Moisesmi Israel casta runakunataqa Egipto nacionpi preso kasqankumanta pusarqa Sinai orqokama, chaypim Jehová Diosqa Leyninkunata qorqa. Chaymantam Moisesqa 12 runakunata kacharqa Canaan allpata wateqamunankupaq. Hinaptinmi 10 wateqaqkunaqa kutiramurqaku mana allinkunata willakuspa. Hinaspam Israel runakunata umacharqaku Egiptoman kutirikunankupaq. Mana iñiq kaptinku, Diosqa Israelpa mirayninta castigarurqa 40 wata chunniqpi purichispa.

Chaymanta, Josueyta akllarqa Israel runakunata Canaan allpaman yaykuchinanpaq. Chay allpata dueñochakunankupaqqa Jehová Diosmi milagrokunata ruraspa yanaparqa. Jordan mayuta sayarachispa qocharachirqa, Jerico llaqtapa murallantapas wichiykachirqa hinaspa Intitapas huk punchawpuni hinallapi sayarachirqa. Soqta watapim Canaan allpataqa dueñochakurqaku.

Chaypim paykunataqa juezkuna kamachirqa 356 wata, Josueymi punta kaq juezninkuqa karqa. Chaymantapas Barac, Gedeon, Jeftey, Sanson hinaspa Samuel sutiyoq wakinnin juezkunamantapas yachasunmi. Yachasuntaqmi Rahab, Debora, Jael, Rut, Noemiy hinaspa Dalila warmikunamantapas. Kay KIMSA kaq Partepiqa 396 watakunapi imakuna pasasqanmanta willakuchkan.