¿Imatam ruwananchik Diosta kusichinapaq?

Ama ruwaychu Diospa chiqnisqantaqa (1 Corintios 6:9, 10).

Diosta kuyaspaqa manam ruwasunchu mana munasqantaqa.

Payqa manam munanchu sinkanata, suwakunata nitaq drogakunanchiktaqa.

Diosqa chiqninmi abortayta, qarimasinwan utaq warmimasinwan kayta hinaspa wañuchiyta. Manataqmi qullqi maskayllaman qukurunataqa munanchu nitaq maqakuq kanatapas.

Manam taytacha-mamachataqa yupaychanachu nitaq brujopas kanachu.

Kaykunata ruwaqkunaqa manam kawsanqakuchu kay pacha paraiso kaptinqa.

Hukkunapaq allinkunata ruway (Mateo 7:12).

Jehova Diosqa munan payman rikchakuq kanapaq kallpanchakunanchiktam.

Allin runa hinaspa qukuykuqmi kanayki. Chaynatam qawachinki kuyakuynikita.

Ama pitapas engañaychu.

Hukkunata pampachaykuy.

Hukkunaman Diosmanta hinaspa yachachisqanmanta willay (Isaias 43:10).