¿Imaynatam yanapakunku siervo ministerial kaqkunaqa?

Bibliam willawanchik congregacionpi yanapawaqninchik ancianokuna hinaspa siervo ministerialkuna kasqanmanta (Filipenses 1:1, NM). Yaqa sapa congregacionkunapim kan chayna yanapakuq iñiqmasiyku. ¿Imakunata ruraspam siervo ministerialkunaqa yanapakunku?

Ancianokunatam yanapanku. Mozollaraq otaq yuyayniyoqña kaspankupas siervo ministerialkunaqa Dios serviyninkupim allin takyasqa kanku chaynataq confianapaq allin llamkaqkuna. Congregacionpi imapas sapa kuti rurana kaqkunamantam cuentallikunku. Chayna yanapasqankuwanmi ancianokunaqa wawqe-paninkuman yachachinankupaq hinaspa kallpanchanankupaq tiempochakunku.

Congregacionpi tukuyta ruraspanku. Wakinqa congregacionpim yanapakunku huñunakuyman hamuqkunata chaskispanku. Wakinñataq huñunakuypi uyarinanchikpaq aparatokunata manejanku, qellqakunata aypunku, qollqe churasqankumanta cuentallikunku hinaspa predicacionpipas maypi predicanankupaqmi predicaqkunata ninku. Chaymantapas Huñunakuna Salon allichaypim yanapakunku hinaspapas ancianokunapa tanteasqanman hinam yuyaqña kaqkunata yanapanku. Imataña ruranankupaq kaptinpas tukuy sonqonkumanta rurasqankuwanmi iñiqmasinkunapa allin qawasqa kanku (1 Timoteo 3:13).

Qatipakunapaqmi Dios serviyninkupi kanku. Dios serviyninkupi allin kasqankuraykum siervo ministerial kanankupaq akllasqa kanku. Huñunakuypi yachachisqankuwanmi iñiyniykupi kallpanchawanku, predicanankupaq kallpanchakusqankupas kallpanchawankum hinaspa tukuy sonqonkuwan yanapakusqankum kusisqa huk sonqolla kanaykupaq yanapawanku (Efesios 4:16). Tiempo pasasqanman hinam paykunapas anciano kanmanku.

• ¿Imayna runam siervo ministerialkunaqa kanku?

• ¿Imakunatam ruranku congregacionpi imapas allin kananpaq?