20 KAQ YACHACHIKUY
¿Imatam ruran Diospa Llaqtanpi Punta Apaqkunaqa?
Apostolkunapa tiemponpi punta apaqkuna
Punta apaqkunapa cartantam leechkan
Hanaq pachapaq sapaqchasqa kaqkunapa rantinpim Jerusalenpi ‘apostolkunawan ancianokunaqa’ chay iñiqmasinkupa allinninkupaq kaqta tanteaqku (Hechos 15:2). Huk sonqolla imatapas tanteanankupaqmi Bibliapa nisqanta qawaqku hinaspam Diospa chuya espiritunwan yanapachikuqku (Hechos 15:25). Kunanpas chaynatam ruranku Diospa Llaqtanpi Punta Apaqkunaqa.
Paykunatam Diosqa valekun munaynin rurakunanpaq. Hanaq pachapaq sapaqchasqa Diospa Llaqtanpi Punta Apaqkunaqa Diospa Palabrantam anchata chaninchanku hinaspam Diospa llaqtanpi imapas ruraykunata allintapuni organizanku. Sapa semanam huñunakunku Allpantinpi iñiqmasinkuta Dios serviyninkupi imaynata yanapanankupaq. Apostolkunapa tiemponpi hinam Bibliamanta yachachinku cartantakama, congregacionkunata watukuq ancianontakama otaq huk iñiqmasiykuwanpas. Chaynata ruraspankum yanapawanku Diospa munayninta huk sonqolla ruranaykupaq (Hechos 16:4, 5). Chaymantapas Diospa Palabranpa nisqanman hina imamanta yachachinankupaqmi tanteanku, kallpanchankutaqmi Diospa Gobiernonmanta willasqa kananpaq hinaspa sapa congregacionpi anciano otaq siervo ministerial nombrasqa kananpaqpas.
Diospa espiritunpa guiasqanman hinam ruranku. Paykunaqa Llapallan Kamachiq Jehová Diospa hinaspa congregacionkunapa uman Cristopa yanapaynintam maskanku (1 Corintios 11:3; Efesios 5:23). Paykunaqa manam Diospa llaqtanpi kamachiq kasqankupaqchu hapikunku. Hanaq pachapaq cristianokuna hinam ‘Carnerota [otaq Cristota] qatinku maymanña riptinpas’ (Apocalipsis 14:4). Diospa Llaqtanpi Punta Apaqkunaqa anchatam agradecekuwanchik paykunapaq mañapusqanchikmanta.
¿Pikunataq apostolkunapa tiemponpi Diospa Llaqtanpi Punta Apaqkuna karqaku?
¿Imaynatam kunanpas paykunaqa Diospa yanapayninta maskanku?