14 YACHACHIKUY
Huk Gobiernom kay allpa Pachata kamachimunqa
Pisi tiempollamantañam huk Gobierno kay allpa Pachata kamachimunqa. ¿Ima Gobiernomantam rimachkanchik? . . . Diospa Gobiernonmantam. Chay Gobiernom kay allpa Pachata sumaq huertaman tikranqa. ¿Munawaqchu kaymanta astawan yachayta? . . .
Huk naciontaqa huk runam kamachin. Chaynallataqmi Diospa Gobiernonpipas kanqa huk kamachikuq. ¿Yachankichu pi kasqanta? . . . Arí, Jesusmi. Payqa hanaq pachapim kachkan, pisi tiempollamantañam enteron Pachata kamachimunqa. Ichaqa, ¿allin kamachikuqchu kanqa? . . . Pay kamachimuptinqa kusisqam kawsakusunchik.
¿Ima ruwaytam munawaq sumaq huertapi kaspayki?
Kay allpa Pacha sumaq huerta kaptinqa manañam pipas peleanqachu. Manataqmi pipas onqonqachu nitaq wañunqachu. Ñawsakunapas atinqakum qawakuyta, mana uyariy atiqkunapas uyarinqakum. Mana puriy atiqkunapas kallpaspam pawanqaku. Llapan runakunapam kanqa tukuy imapas mikunankupaq. Animalkunapas hawkam kawsakunqaku, paykunawan pukllaytam ñoqanchikpas atisun. Chaymantapas, wañusqa runakunam kawsarimunqaku. Paykuna ukupim kachkan Rebeca, Rahab, David, Elias hinaspa hukkunapas. ¿Munawaqchu paykuna reqsiyta? . . .
Jehova Diosqa anchatam kuyasunki hinaspapas kusisqa kanaykitam munan. Paymanta hinalla yachay hinaspa kasukuy. Chayta ruwaspaykiqa, wiñaypaqmi sumaq huertapi kawsakunki. ¿Munawaqchu chaypi kayta? . . .