Wasin-wasinmi Diosmanta willakunchik

1. Wasin-wasin rillaspamá

willakamuchkanchik

Diosninchikpa munayninña

ruwakunanmanta.

Jesuspa nisqanman hinam

willakamuchkanchik

enterollan kay pachapi

sumaq willakuyta.

2. Wasin-wasin rillaspamá

willakamuchkanchik,

wiñay kawsayta Diosninchik

quwananchikmanta.

¿Imaynamá yachanqaku

mana willasqaqa?

Chayraykumá utqayllaman

willakuq rinanchik.

3. Wasin-wasin rillaspamá

willakamuchkanchik,

Diosninchikpa sutillanta

riqsichinanchikpaq.

May lawmanpas rillasunyá

willakunanchikpaq,

chaynapimá kikinkuña

tanteakullanqaku.