134 KAQ TAKI
Warmakunaqa Diospa qusqan herenciam
1. Tayta-mamaña kaspaqa
manam haykaqpas qunqanankuchu
wawa-churikunaqa Diospa
qusqan herencia kasqanta.
Jehova Diosmi vidata qurqa
unanchawaqninchik kasqanrayku.
Tayta-mamatam Dios yachachin
allinllata uywanankupaq.
(CORO)
Quykusunkim chanin premiota
kuyaspa uywanaykipaq.
Diospaq hina uywaspaykiqa,
allintam yanapachkanki.
2. Sunquykipim churanayki
Diospa yachachikuyninkunata.
Yachachinaykim warmaykiman,
Diosmi qanman quykusunki.
Sapa kutim yachachinayki
purispapas, wasipi kaspapas.
Tukuy tiempomá yuyanqaku
Diospaq hina uywasqaykita.
(CORO)
Quykusunkim chanin premiota
kuyaspa uywanaykipaq.
Diospaq hina uywaspaykiqa,
allintam yanapachkanki.
(Qawariytaq Deut. 6:6, 7; Efes. 6:4; 1 Tim. 4:16).