Hatun huñunakuyman riqkunapaq willakuykuna

SAPAQ HUÑUNAKUYKUNA

BETELPI LLAMKANAPAQ. 35 watankukamam llapa bautizasqa kaqkunaqa Betelpi llamkay munaqkunapaq huñunakuyman rinmanku, chayqa kanqa viernes tardetam. Maypi hinaspa imay hora kananmantam willakuy kanqa.

DIOSPA GOBIERNONMANTA WILLAKUQKUNAPAQ ESCUELA. Kay escuelamanta rimaq huñunakuymi domingo tarde lawta kanqa, chaymanmi 23 watayuqmanta 65 watayuqkama precursorkuna rinmanku. Maypi hinaspa imay hora kananmantam willakuy kanqa.

HATUN HUÑUNAKUYMAN RIQKUNAPAQ WILLAKUYKUNA

BAUTISMO. Yachachimuqpa ñawpaqninpim kachkan bautizakuqkunapaq sapaqchasqa tiyanakuna. Bautizakunapaq yachachikuy manaraq qallaykuchkaptinmi bautizakuqkunaqa paykunapaq sapaqchasqa tiyanankupiña sabado madrugawta tiyananku. Llapankum apananku toallata hinaspa bañakunapaq pachatapas.

CHASKIQKUNA. Chaskiqkunaqa yanapasunaykipaqmi kachkanku. Paykunapa nisqanta kasukuy carroykita maypi sayachinaykipaq, maypi tiyanaykipaq hinaspa puriqkunata mana harkanaykipaq nisuptiki.

IMANAKURUQKUNATAPAS YANAPANAPAQ. Kaypiqa yanapanqaku huñunakuypi pipas QUNQAYLLAMANTA mana allin tarikuptillanmi.

IMAPAS WISCHUKUSQANCHIKTA TARINAPAQ. Imatapas tarikuspaykiqa wischukusqankuta waqaychaqkunaman apay. Chaypitaqmi maskawaq imaykitapas wischuruspaykiqa. Chaymantaqmi apana chinkasqa warmachakunatapas. Ichaqa, manam kayqa wawa-wasi hinachu. Chayraykuyá warmachaykichikta allinta cuidaychik.

QULLQIWAN YANAPANAMANTA. Kay huñunakuypi hawka tiyanapaq, allinta uyarinapaq, sumaqta qawanapaq hinaspa tukuy ima ruwanapaqmi gastokuna karqa. Qullqi qusqaykichikmi yanapan chay gastokunapaq hinaspa Diosmanta enteron pachapi willakunapaq. Sutillam kachkan qullqi churanapaq achka cajachakuna. Diospa llaqtanpi punta apaqkunam anchata agradecekusunkichik qullqikichikwan yanapakusqaykichikmanta.

TIYANAMANTA. Ama hina kaspa tiyanakunataqa sapaqchay wasikipi ayllullaykipaq, carroykipi riqmasikikunallapaq, yachaqmasikikunallapaq utaq qanwan bibliata estudiaqkunallapaq. Mana necesitasqayki tiyanapiqa ama imatapas churaychu. Wakinkunapa allinnintam maskananchik, manam kikillanchikpa allinninchiktachu.

YANAPAKUY MUNAQKUNAPAQ. Hatun huñunakuypi ima ruwaypipas yanapakuyta munaspaykiqa asuykuy yanapakuy munaq chaskiqkunaman.