152 KAQ TAKI
Kay wasiqa hatunchasqa kanaykipaqmi
(1 Reyes 8:27; 1 Cronicas 29:14)
1. Tukuyta unanchaq Diosllayku,
piraq qam hina kallanman.
Hanaq pachawan kay pachapas,
manam kamasunkimanchu.
Chaywanpas kay sumaq wasiqa,
chuya espirituykiwan
huntaykullasqanmi kallanqa,
hatunchasqa kanaykipaq.
(YAPAN)
Diosnilláy, taytalláy
qampamá lliw imapas.
Kay ruwasqa wasipas
qampaqmi Diosnilláy.
(CORO)
Llapaykum graciasta quykiku,
llapaykum takillaniku.
Munaynikipim Jehova Dioslláy
kay wasiqa qispirullan.
2. Allintam Jehova Diosnillayku
kay suma-sumaq wasiqa,
munayniki ruwakunanpaq
anchata yanapakunqa.
Munaynillayki ruwaypiqa
achka llamkaymá kallachkan.
Qamtamá tukuy sunquykuwan
servillasqaykiku Dioslláy.
(YAPAN)
Diosnilláy, taytalláy
qamtamá sunqumanta
wiña-wiñaykamapas
yupaychasqaykiku.
(CORO)
Llapaykum graciasta quykiku,
llapaykum takillaniku.
Munaynikipim Jehova Dioslláy
kay wasiqa qispirullan.