KAQMANTA KUTISPA
9 YACHACHIKUY
Llakipayakuq kasun
Bibliapim nin: “Kusikuqkunawanyá kusikuychik, waqaqkunawanyá waqaychik”, nispa (Rom. 12:15).
¿Imatam Jesus ruwarqa?
1. Qawaykuy VIDEOTA utaq leeykuy Marcos 6:30-34 nisqanta. Chaymantañataq qatiqnin tapukuykunapi yuyaymanay:
¿Imanasqataq Jesuswan apostolkunaqa “paykunalla kanankupaq runapa mana kasqanman” riyta munarqaku?
¿Imanasqataq Jesusqa achkallaña runakunaman yachachiyta munarqa?
¿Imatam Jesusmanta yachachwan?
2. Runakunata llakipayaspaqa manam Diosmanta willayllatachu munasun, aswanqa munasunmi yanapaykuytapas.
Jesusta qatipakuy
3. Uyarisuqnikipa ima nisqanta allinta uyariy. Ima piensasqanmanta hinaspa ima llakichisqanmanta willasuptikiqa amayá manaraq rimayta tukuchkaptinqa rimariychu, amataq mana kaqpaq hinataqa hapiychu, aswanqa atencionwanyá uyariykuy. Chaynata uyariykuptikiqa cuentatam qukunqa yanapay munasqaykita.
4. Watukusqayki runamasikipi piensay. Yuyariy imakunamanta rimasqaykichikta hinaspa nikuy:
“¿Imanasqataq Diosmanta yachanan?”.
“¿Imaynam kawsakunqa kunanpas chaynataq hamuq tiempopipas bibliata estudiaspanqa?”, nispa.
5. Willay ima yachachikuykuna yanapananmanta. Niy bibliata estudiaspan mana yachasqankunata yachananmanta hinaspa bibliamanta yachasqan tukuypi yanapananmanta.