JESUSPA QATIQNIN KANANPAQ YACHACHISPA
10 YACHACHIKUY
Yanapanapaq tukuyta ruwasun
Bibliapim nin: ‘Ñuqaykuqa manam Diosmanta sumaq willakuyta willayllatachu munarqaniku, aswanqa qamkunata yanapayta munaspaykum tukuyta ruwarqaniku. Chaytaqa ruwarqaniku anchata kuyasqaykuraykum’, nispa (1 Tes. 2:8).
¿Imatam Jesus ruwarqa?
1. Qawaykuy VIDEOTA utaq leeykuy Juan 3:1, 2 nisqanta. Chaymantañataq qatiqnin tapukuykunapi yuyaymanay:
¿Imanasqataq Nicodemoqa tutalla rinman karqa Jesusman? (Leeykuy Juan 12:42, 43 nisqanta).
¿Imaynatam Jesusqa qawachirqa runamasinta yanapay munasqanta?
¿Imatam Jesusmanta yachachwan?
2. Runamasinchikkunata kuyasqanchikraykum tukuyta ruwananchik Jesuspa qatiqnin kanankupaq.
Jesusta qatipakuy
3. Bibliamanta estudiachiy imay hora hinaspa maypi yachay munasqanpi. ¿Imay punchawtaq utaq imay horataq estudiayta munan? ¿Maypitaq estudiayta munan? ¿Llamkayninpichu, wasinpichu icha parquepichu? Kallpanchakuy paypa imay hora estudiay munasqan horapi yachachinaykipaq.
4. Sapa semana estudiachiy. Tantiasqaykichik punchaw estudiachiyta mana atispaykiqa kaykunatam ruwawaq:
Chay semanapi huk punchawña estudiachinaykipaqmi niwaq.
Estudiawaqchikmi celularwan qayanakuspapas utaq videopi qawanakuspapas.
Huk iñiqmasinchiktam niwaq chay punchaw yachachinanpaq.
5. Diostayá mañakuy sunqumanta yanapanaykipaq. Jehova Diosta mañakuy tukuyta ruwaspa estudiachisqayki runamasikita sunqumanta hinalla yanapanaykipaq. Chayna ruwasqaykiqa astawanraqmi allin kanqa sapa semana mana estudiaptinqa utaq yachasqankunata kasukunanpaq sasachakuptinqa (Filip. 2:13). Diostaqa mañakuytaq estudiachisqaykipa imapi pantasqallanta qawanaykimantaqa allin sunquyuq kasqanta astawan qawanaykipaq.