Huñunakuypi kaqkunapaq

YANAPAKUQKUNA. Paykunaqa kachkanku yanapasunaykipaqmi. Paykunapa nisusqaykita kasukuy carroykita maypi sayachinaykipaq, maypi tiyanaykipaq, puriqkunata mana harkanaykipaq nisuptiki.

BAUTIZAKUQKUNA. Haykam bautizakuqkunapaqqa yachachiqpa ñawpaqninpim kachkan sapaq tiyanakuna. Sabado tempranotam chaypiña tiyananku bautizakuqkunapaq yachachikuy manaraq qallarichkaptin. Kananmi toallanku, pachanku, chayqa kanan manam qalaypaq llaspallachu.

QULLQI CHURANA CAJACHAKUNA. Kay huñunakuypi hawka tiyanapaqmi, allinta uyarinapaqmi, sumaqta qawanapaqmi hinaspa tukuy ima ruwanapaqmi gastokuna karqa. Qullqita churasqanchikqa yanapakunmi gastokunata paganapaq, enteron pachapi Diosmanta willakunapaq. Sutillam kachkan qullqi churanapaq achka cajachakuna. Quchwantaqmi qullqichanchiktaqa internetpi donate.jw.org niqta maskaykuspa. Diospa llaqtanpi punta apaqkunam anchata agradecekunku qullqichanchikwan yanapakusqanchikmanta.

IMANAKURUQKUNATAPAS YANAPAQKUNA. Paykunaqa yanapakunqaku huñunakuypi pipas qunqayllamanta mana allin tarikuptillanmi.

WISCHUKUSQANKUTA CHURAQKUNA. Imatapas tarikuspaykiqa paykunaman apay. Chaypitaqmi maskawaq imaykitapas wischukuruspaykiqa. Papanta, mamanta mana tariq warmachakunatapas chayman pusay. Tayta-mamakuna warmaykichikwanqa imaypas kuska kaychik.

TIYANAKUNA. Amay hina kaspayki tiyanakunataqa sapaqchay wasikipi kaqkunallapaq, carroykipi riqmasikikunallapaq, yachaqmasikikunallapaq utaq qanwan bibliata estudiaqkunallapaq. Tiyanakunapiqa ama imaykitapas churaychu. Wakinkunapa allinnintam maskananchik, manam kikillanchikpa allinninchiktachu.

YANAPAKUY MUNAQKUNA. Hatun huñunakuypi ima ruwaypipas yanapakuyta munaspaykiqa paykunaman asuykuy.

Kayqa Diospa llaqtanpi punta apaqkunapa ruwasqanmi