Yaqa lliw runakunapa creesqanku
“Manchakuqmi kani infiernota. Mosqoyniypim nina rawraqman wischuykuwaqku hinaptinmi qaparistin rikchariruq kani, chaymi anchallataña kallpanchakurqani mana huchallikunaypaq.” (Arline)
¿INFIERNOQA huchallikuqkunata wiñaypaq ñakarichinapaqchu kanman? Achka runakunam chaynata piensanku. Escocia nacionpi Universidadmanta investigador tapuptinmi, sapa kimsa religioso runakunamanta huknin creesqa pipas Diosmanta karunchakuqqa “infiernopi wiñaypaq kanankumanta”. Sapa pichqa runakunamantañataqmi huknin piensasqa infiernopi ñakariy kasqanmanta.
Achka nacionkunapi runakunam infiernopi creenku. Estados Unidos hinaspa México nacionkunapi runakunata infiernomanta tapuptinkum, yaqa llapanku infiernopi creesqankuta nirqaku. Infiernopiqa creenkum aslla religionniyoq nacionkunapipas. Argentina, España, Canadá hinaspa Gran bretaña nacionkunapi runakunatapas infiernomanta tapuptinkum tapusqankumanta yaqa parten nirqaku infiernopi creesqankuta.
Iglesiakunapi imatam yachachinku
Religionkunapi punta apaqkunaqa manañam yachachinkuchu huchasapakuna infiernopi rupasqankumantaqa. 1993 watapi Catecismo de la Iglesia Católica nisqa libronkuman hinañam kunanqa yachachichkanku, chaypim nin: “infiernoqa Diosmanta wiñaypaq karunchasqa kaymi”, nispa.
Achka runakunam piensanku infiernoqa ñakarina sitio kasqanta. Chaymi kayna yachachiqkuna hinaspa Estados Unidos nacionpi yachachiq religioso profesor Albert Mohler sutiyoq runapas nirqa: “Bibliapa yachachisqanmi”, nispa.
¿Allinchu kanman creesqayki?
Sichum infierno nina rawraq kaptinqa manchakunapaqmi. Mana chayna kaptinqa religiosokunam runakunata pantachispanku yanqa manchachichkanku. Ichaqa manam chayllachu aswanqa Diospa contranpim yachachichkanku.
Hinaptinqa, ¿imanintaq Bibliaqa? Qatiqnin yachachikuykunapim achka Bibliakunata servichikuspa contestasunchik kayna tapukuykunata: 1) ¿Imataq pasawanchik wañukuptinchik? 2) ¿Imatam Jesus yachachirqa infiernomanta? Hinaspa 3) ¿Imaynatam yanapawanchik Dioswan amistadninchikpi infiernomanta cheqap kaqta yachayqa?