Jesuspa yachachisqankuna

Wañukuqkunapaq suyakuy

Jesusqa kimsa runakunata kawsarichisqanwanmi qawachirqa wañukuqkunaqa kawsarimunankupaq suyakuyniyoq kasqankuta (Lucas 7:11-17; 8:49-56; Juan 11:1-45). Kay suyakuymanta entiendenapaqqa puntatam yachananchik imaraykum hinaspa pitaq wañuyta qallarichisqanmanta.

¿Imanasqataq onqonchik hinaspa wañunchik?

Huchankumanta Jesus pampachaykuptillanmi onqoqkunaqa sanoyarqaku. Chaymi huk kutipi suchuta apamuptinku nirqa: “¿Mayqan nisqaytaq facil kanman: “Huchaykikunatam pampachayki” nisqaychu icha: “Hatarispayki puriy” nisqaychu? Kunanmi yachankichik Diosmanta Hamuq Runaqa huchakunata pampachanaypaq kay pachapi atiyniyoq kasqayta. Chaynata niruspanmi suchuta nirqa: Hatarispayki puñunaykita aparikuspa wasikiman ripukuy”, nispa (Mateo 9:2-6). Chaynaqa hucha kaptinmi onqonchik hinaspa wañunchik. Lliwmi huchayoq kanchik Adanmanta herenciata hina huchata chaskisqanchikrayku (Lucas 3:38; Romanos 5:12).

¿Imanasqataq Jesus wañurqa?

Jesusqa manam haykapipas wañunanchu karqa mana huchayoq kasqanrayku. Wañurqaqa huchanchikkunamanta librawananchikpaqmi. Paymi nirqa yawarniyqa “chaqchusqam kanqa achka runakunapa huchankunata pampachanaypaq”, nispa (Mateo 26:28).

Nirqataqmi: “Diosmanta Hamuq Runapas manam servichikunaypaqchu hamurqani aswanqa servinaypaqmi hinaspa achka runakunapa rantinpi wañunaypaqmi”, nispa (Mateo 20:28). ‘Runakunapa rantinpi’ wañuspanmi Jesusqa runakunata wañuymanta librarqa. Chaymi nirqa: “Ñoqam ichaqa hamurqani kawsanaykichikpaq hinaspa kawsaywan huntasqa kanaykichikpaq”, nispa (Juan 10:10). Ichaqa, wañuqkunapa suyakuyninkumanta astawan entiendenapaqqa yachananchikmi wañuqkuna imayna tarikusqankumanta.

¿Imataq pasan wañuqkunata?

Amigon Lazaro wañukuptinmi Jesusqa willarqa wañukuqkuna imayna tarikusqankuta. Chaymantam hatiqninkunata nirqa: “Amistadninchik Lazaroqa puñuchkanmi, hakuchikyá rikchachimunaypaq, nispa [. . .] discipulonkunañataqmi piensarqaku ‘puñusqanmantachiki nichkan’ nispanku. Chaymi Jesus clarotaña nirqa: Lazaroqa wañukunñam”, nispa. Chaynaqa, wañuyta puñuywan tupachispanqa nichkarqa wañuqkunaqa manam imatapas yachankuchu nispam (Juan 11:1-14).

Tawa punchaw wañusqatañam Jesusqa Lazarota kawsarichirqa. Bibliaqa manam ninchu Lazaro wañukuspan imayna tarikusqanmanta willakusqantaqa. ¿Imanasqa? Wañukuqkuna mana imatapas yachasqankuraykum (Eclesiastes 9:5, 10; Juan 11:17-44).

¿Ima suyakuytaq kachkan wañuqkunapaq?

Wañukuqkunaqa kawsarimunqakum hinaspa wiña-wiñaypaqmi kawsakunqaku. Jesusmi nirqa: “Huk punchawmi Diospa Churinpa qayasqanta uyarispanku llapallan wañuqkuna kawsarimunqaku”, nispa (Juan 5:28, 29).

Kay suyakuy qowasqanchikwanmi Diosqa qawachin ancha kuyawasqanchikta. Jesuspas nirqam: “Diosqa ancha-anchatam kuyarqa runakunata, chaymi sapallan Churinta qomurqa pipas paypi iñiqqa manaña puchukaspa wiñaypaqña kawsananpaq”, nispa (Juan 3:16; Apocalipsis 21:4, 5).

Kaymantaqa astawanmi yachanki ¿Imatapunim Bibliaqa yachachin?, niq libropa 6 kaq yachachikuyninpi.a

[Willakuy]