Kapuqninchikta Diosman qosun

¿IMAYNATAM agradecekunchik pipas yanapaykuwaptinchik? Qawasun imaynatam Israelpi soldadokunapa jefenkuna, Madianpi kaqkunata vencenankupaq Jehová Dios yanapaptin agradecekusqankumanta. Chay guerraqa apakurqa Baal-peor sutiyoq taytachata israelitakuna yupaychasqanku qepatam. Ichaqa Jehová Diosmi vencechirqa, hinaptinmi qechumusqankuta rakinakunanku karqa 12.000 soldadokuna hinaspa Israel nacionpi kaqkunapas. Chaymantam Diospa nisqanta kasukuspanku soldadokunaqa qechumusqankumanta wakinta sacerdotekunaman qorqaku, chaynallataqmi wakin israelitakunapas levitakunaman qorqaku (Num. 31:1-5, 25-30).

Soldadokunata kamachiqkunam ichaqa astawan qoyta munarqaku, imanasqa qoy munasqankumantam Moisesta nirqaku: “Guerraman pusasqayku tropakunata yuparuptiykum chulla runapas mana faltanchu”, nispa. Tantearurqakum alhajakunatawan qorimanta tukuy imata qonankupaq, llapanpiqa 190 kilo masninmi karqa (Num. 31:49-54).

Diosta kunan tiempopi serviqkunapas munanchikmi tukuy ima rurasqanmanta agradecekuyta. Ichaqa manam ñoqallanchikchu agradecekuyta munanchik. Chaytam qawachin huk law nacionniyoqkunapaqwan asambleaman Testigokunata carropi apaq choferpa rurasqan, paymi estadioman aparqa hinaspa kutichimurqa, chayqa karqa Bolonia (Italia) llaqtapim 2009 watapi. Cuidadowanmi manejarqa, imayna kasqanpas wawqe-panikunapa agradonpaqmi karqa, chaymi paykunaqa agradecekusqankumanta qellqarqaku hinaspa propinantawan “¿Imatapunim Bibliaqa yachachin?” librota qorqaku. Paymi nirqa: “Qellqamuwasqaykichiktawan librotapas kusikuywanmi chaskini, qollqetam ichaqa kutichipuykichik rurasqaykichikta yanapanaypaq. Jehová Diospa testigon mana kaspaypas yanapaytam munani, cuentatam qokuni runakunata kuyaspa predicasqaykichikmanta”, nispa.

Ñoqanchikpaq Diospa rurasqanmanta agradecekusqanchiktam qawachichwan enteron pachapi predicacionta yanapanapaq kapuqninchikta sonqonchikmanta qospa (Mat. 24:14). Qatiqnin recuadropim qawachichkan imaynakunata qospa yanapanamanta.

[20 hinaspa 21 kaq paginakunapi recuadro]

KAYNATAPAS YANAPACHWANMI

ENTERON PACHAPI PREDICACIONTA

Achka iñiqmasinchikkunam qollqenkuta rakinku “Allpantinpi predicacionta yanapanapaq” (Obra mundial) sutichasqa cajachapi churanankupaq.

Congregacionkunam chay qollqeta sapa killa apachinku nacionninpi Jehová Diospa testigonkunapa oficinanman otaq Betelman. Pipas sonqomanta qollqe qosqantaqa apachinmantaqmi Estados Unidos nacionpi kay direccionmanpas: Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, otaq nacionninpi Betelmanpas. (Qatiqninpi nisqanman hina sonqomanta qosqankutapas, sapa nacionninkupi otaq tupaqnin Betelmanmi apachinmanku.) Nisqanchik direccionman chequepi apachispaqa “Asociación de los Testigos de Jehová” nisqa sutitam churana. Qochwantaqmi alhajakunatapas otaq huk valorniyoq kaqkunatapas, chayna kaptinqa cartayoqtam apachina mana imallapaq qosqamanta qellqaspa.

QONMANKUM KUTICHIPUSQA KANANPAQ

Qollqenkutam qonmanku Asociación de los Testigos de Jehová nisqaman, enteron Pachapi Diospa Gobiernonmanta willakuypi servichikunanpaq, necesitaspankuqa mañanmanmi kutichipunanpaq. Astawan yachanaykipaqqa qayay kay numerota (01) 434-1474 otaq kay recuadropa tukuyninpi rikurimuq direccionman qellqay.

TANTEASPA QONAMANTA

Mana imallapaq sonqomanta qollqeta qospanchikpas, atichwanmi allpantinpi predicacionta yanapanapaq kayna qoytapas:

Bancopi qollqeta. Bancopi qollqe churasqanchikta, qollqe churasqanchikpa mirayninta hinaspa jubilakuptinchik churamusqankutapas qonchikmanmi Asociación de los Testigos de Jehová nisqaman, necesitaptinchik kutichipuwananchikpaq otaq wañukuptinchik paykunaman qosqa kananpaq, chaytaqa rurana bancopi leykunaman hinam.

Hukkunawan empresata ruraspa. Atinchikmanmi empresapi tupawaqninchik qollqeta Asociación de los Testigos de Jehová nisqaman qoyta hinaspa wañukuptinchik tupawaqninchik qollqe saqeytapas.

Allpata otaq wasitapas. Mana imallapaqmi qochwan rantikuy atina allpata otaq wasitapas, ichaqa chaypiraq yachaptinchikqa wañukunakamam ñoqanchikpaq kanqa. Manaraq qochkaspaykim rimanayki nacionnikipi Betel wasiwan.

Sapa wata impuesto pagananchiktapas. Acuerdota ruraspam sapa wata tukuyta impuesto pagananchik qollqeta qochwan Asociación de los Testigos de Jehová nisqaman, paykunañataqmi watapi huk kutita qonman nisqanchik runaman. Kayna qosqanchikmi wata tukuypi impuesto pagananchikta menosyachin.

Testamento hinaspa acuerdota ruraspa qonamanta. Qonchikmanmi imapas kapuqninchikta otaq qollqenchiktapas Asociación de los Testigos de Jehová nisqaman, notariopi testamentota ruraspa otaq necesitaptinchik kutichipuwananchikpaq qosqanchik wañukuptinchik paykunapa kananpaq. Chaynata paykunaman qosqanchikqa impuesto pagananchiktam menosyachin.

“Tanteaspa qonamanta” nisqanmi qawachin, pipas chaynata qoq tanteaspa rurananta. Jehová Diospa testigonkunapa allpantinpi predicasqankuta yanapay munaqkunapaqmi inglespiwan castellanopi huk folleto kachkan, sutinmi: Donaciones planificadas para favorecer el servicio del Reino en todo el mundo. Kay folletom willachkan qollqenchikta hinaspa kapuqninchikta imayna qonamanta. Leeruspa hinaspa negocionku qawaqta otaq abogadonta tapuspankum, achka runakunaqa Jehová Diospa testigonkunapa allpantinpi predicasqankuta yanapanku, paykunapas kayta ruraspankuqa menostam impuestota paganku. Chay folletota munaspankuqa mañakunmankum nacionninpi Betelmanta apachimunankupaq.

Astawan yachayta munaspaykiqa qellqay otaq telefonowan qayay nacionnikipi Betel wasita:

Asociación de los Testigos de Jehová

Jr. El Cortijo 329

Monterrico Chico, Lima 33

Apartado 18-1055 Lima, Perú

Teléfono (01) 434-1474