BIBLIAMANTA TAPUKUYKUNA
¿Imataq Diospa sutin?
Llapallan familianchikpam sutinqa kan. Uywanchikkunapapas kanmi. Chaynaqa, ¿manachu Diospapas sutin kanman? Bibliaqa “Tukuy atiyniyoq”, “Llapallan Kamachiq” hinaspa “Unanchaqninchik” sutikunawanmi Diosmanta riman. Paypam ichaqa sutin kan. Bibliam niwanchik: “Ñoqam Jehova kani. Chayna sutiyoqmi kani”, nispa (Isaias 42:8, NM)
Yaqa llapallan Bibliakunapim Diospa sutinqa Salmo 83:18 nisqanpi rikurin. Traducción del Nuevo Mundo de las Santas Escrituras sutiyoq Bibliam kaynata tikran: “Qampa sutikiqa Jehova Diosmi, qamllam kanki enteron pachapa altonpi Kamachiqqa”, nispa.
¿Imanasqataq Diospa sutinmanta rimanchik?
Ancha confiasqanchik amistadninchikwan rimaspaqa sutinmantam qayanchik
Diosqa munanmi sutinmanta qayananchikta. Ancha confiasqanchik amistadninchikwan rimaspaqa sutinmantam qayanchik. ¿Manachu chaynata ruwananchik Dioswan parlaspanchikpas? Jesucristopas kallpanchawarqanchikmi Diospa sutinta rimananchikpaq. (Leey Mateo 6:9; Juan 17:26.)
Diospa amistadnin kanapaqqa manam sutillantachu yachananchik. ¿Imaynataq Diosqa? ¿Atichwanchu payman asuykuyta? Kay tapukuykunapa kutichiynintaqa Bibliapim tarinki.