BIBLIAMANTA TAPUKUYKUNA

¿Lliw runapa mañakusqantachu Diosqa uyarin?

Lliw nacionpi runakunapa mañakusqankutam Jehova Diosqa uyarin (Salmo 145:18, 19). Palabranmi kallpanchawanchik ima llakinchikmantapas otaq sasachakuyninchikmantapas payman willakunapaq (Filipenses 4:6, 7). Ichaqa manam Diosqa uyarinchu umallankumanta yacharuspa hina kaqllata rezakuqtaqa. (Leey Mateo 6:7.)

Kamachikuyninkunata mana kasukuq runakunapa mañakusqantaqa manataqmi uyarinchu (Proverbios 28:9). Kaypi reparay, runamasin wañuchiq israelitakunapa mañakusqankutaqa manam uyarirqachu. Mañakusqanchikta Dios uyariwananchikpaqqa kamachiwasqanchikkunatam kasukunanchik. (Leey Isaias 1:15.)

¿Imatam ruwananchik Dios uyariwananchikpaq?

Mañakusqanchikta Jehova Dios uyariwananchikpaqqa iñiyniyoqmi kananchik (Santiago 1:5, 6). Manam iskayrayanachu pay kasqanmantaqa nitaq llakipayawasqanchikmantapas. Chaypaqqa Palabrantam estudiananchik chaypi yachasqanchikkunam yanapawasun iñiyniyoq kanapaq. (Leey Hebreos 11:1, 6.)

Chaymantapas Jesus hinam humillakuspa tukuy sonqonchikwan mañakunanchik (Lucas 22:41, 42). Chaypaqmi kallpanchakunanchik imakuna kamachisqanmanta allinta entiendenapaq. ¿Imaynata? Bibliata leespa. Chaynapim mañakusqanchikqa Jehova Diospa munayninman hina kanqa. (Leey 1 Juan 5:14.)