BIBLIAMANTA TAPUKUYKUNA
¿Imanasqataq Jesuspa wañukusqanta yuyarinanchik?
¿Ima suyakuyniyuqmi kanchik Jesus wañukusqanrayku? (Isaias 25:8; 33:24)
Jesuspa wañukusqanqa mana qunqanapaqmi, ¿imanasqa? Runakunapa libraqnin kasqanrayku. Runakunaqa manam unqunapaqchu, huchasapa kanapaqchu hinaspa wañunapaqchu unanchasqa karqanchik (Genesis 1:31). Chaykunaqa rikurirqa Adanwan Eva mana kasukusqankuraykum. Chayraykum Jesusqa vidanta qurqa wañuymantawan huchamanta librawananchikpaq (leey Mateo 20:28; Romanos 6:23).
Hatun kuyakuynintam Diosqa qawachiwarqanchik ñuqanchikpa rantinchikpi churinta quspan (1 Juan 4:9, 10). Wañukusqanta yuyarinankupaqmi Jesusqa qatiqninkunata kamachirqa. Chaytam ruwananku karqa tantawan hinaspa vinowan. Chayta watan-watan yuyariymi Diostawan churin Jesucristota agradecekusqanchikta qawachin (leey Lucas 22:19, 20).
¿Pikunataq tantata mikunku hinaspa vinota tomanku?
Wañukusqanta yuyarinankupaq Jesus nispanqa rimarqataqmi huk contratomanta (Mateo 26:26-28). Chay contratoraykum qatiqninkunaqa hanaq pachapi paywan kuska reykuna hinaspa sacerdotekuna kanqaku. Jesuspa wañukusqanta yuyariq waranqantin runakunamantam contrato ruwaqkunalla tantata mikunku hinaspa vinota tomanku (leey Apocalipsis 5:10).
Yaqa iskay waranqa watañam Jehova Diosqa akllachkan churinwan kuska kamachiqkunata (Lucas 12:32). Paykunaqa asllam kanku kay pachapi kawsaqkunamantaqa (leey Apocalipsis 7:4, 9, 17).