QARANPI KAQ YACHACHIKUY | ¿IMAYNATAM BIBLIATA ÑAWINCHANANCHIK?

¿Imatawanraqmi ruwananchik ñawinchanapaq?

Biblia ñawinchayta saqiruyniki utaq mana saqiruynikiqa qanmantam kanqa. Yachaykusunyá mana amirunaykipaq imakuna yanapasunaykimanta.

Allin bibliata akllay. Sichum mana chaylla entiendekuq bibliata ñawinchaspaykiqa chayllam amirunki, chaymi akllanayki allin entiendekuq, sunquykiman chayaq hinaspa Diosmanta imam kaqta yachachiq bibliata.a

Computadorata utaq ima aparatotapas servichikuy. Kunanqa bibliaqa kachkanñam computadorakunapi, celularkunapi hinaspa huk aparatokunapipas. Chay aparatokunapiqa achka bibliakunatam ñawinchayta atichwan wakin bibliakunawan tupachispa. Bibliaqa kachkantaqmi grabasqapas. Chaymi achka runakuna uyarinku carropi rispanku, pachata taqsaspanku hinaspa imatapas ruwaspanku. Qamqa, ¿ñawinchaytachu munawaq icha grabasqa uyariytachu?

Huk qillqakunawanpas yanapachikuy. Bibliamanta rimaq qillqakunata ñawinchaynikim yanapasunki bibliata astawan entiendenaykipaq. Kachkanmi mapayuq qillqakuna, chay qillqakunapim bibliapa rimasqan llaqtakuna kachkan, chay mapakunaqa yanapasunkim maypi imapas pasakusqanta allinta yachanaykipaq. Chaymantapas, kay qillqapi hinaspa jw.org/es nisqapi “Enseñanzas bíblicas” niqpi rikurimuq yachachikuykunam yanapasunki ñawinchasqaykita allinta entiendenaykipaq.

Yachay munasqaykimanta ñawinchay. Qallariyninmanta tukuyninkama biblia ñawinchayta amirunapaq hinata qawaspaykiqa yachay munasqaykimanta ñawinchay. Bibliapa willakusqan runakunamanta yachayta munaspaykiqa ñawinchay chay runakunamanta bibliapa willakusqanta. Chaypaqqa yanapasunkimanmi “Bibliapa willakusqan runakunamanta astawan yachay” niq yachachikuy. Ñawinchawaqtaqmi qallariyninmanta tukuyninkama imakuna pasakusqanmanta yachanaykipaqpas. Kallpanchakuyá mayqinman hinapas ñawinchanaykipaq.

a Achka runakunam ninku Musuq pachapi kawsaqkunapaq Diospa palabran biblia chaylla entiendenapaq kasqanta hinaspa Diosmanta imam kaqta yachachisqanta. Kay bibliaqa Jehova Diospa testigonkunapa ruwasqanmi, 130 masnin rimaykunapiñam kachkan. Qawawaqmi internetpi jw.org nisqapi hinaspa JW Library nisqapipas. Munaptikiqa Jehova Diospa testigonkunam chay bibliata wasikiman apamusunkiman.

BIBLIAPA WILLAKUSQAN RUNAKUNAMANTA ASTAWAN YACHAY

**Diosman sunqu warmikuna**
Abigail	1 Samuel, 25 capitulo
Ana	1 Samuel, 1, 2 capitulokuna
Ester	Ester, 2-5, 7-9 capitulokuna
Jesuspa maman Maria	Mateo, 1, 2 capitulokuna, Lucas, 1, 2 capitulokuna, qawaytaq Juan 2:1-12; Hechos 1:12-14; 2:1-4
Rahab	Josuey, 2, 6 capitulokuna, qawaytaq Hebreos 11:30, 31; Santiago 2:24-26
Rebeca	Genesis, 24-27 capitulokuna
Sara	Genesis, 17, 18, 20, 21, 23 capitulokuna, qawaytaq Hebreos 11:11; 1 Pedro 3:1-6

**Diosman sunqu qarikuna**
Abrahan	Genesis, 11-24 capitulokuna, qawaytaq 25:1-11
David	1 Samuel, 16-30 capitulokuna, 2 Samuel, 1-24 capitulokuna; 1 Reyes, 1, 2 capitulokuna
Jesus	Mateo, Marcos, Lucas hinaspa Juan
Moises	Exodo, 2-20, 24, 32-34 capitulokuna; Numeros, 11-17, 20, 21, 27, 31 capitulokuna; Deuteronomio, 34 capitulo
Noey	Genesis, 5-9 capitulokuna
Pablo	Hechos, 7-9, 13-28 capitulokuna
Pedro	Mateo, 4, 10, 14, 16, 17, 26 capitulokuna; Hechos, 1-5, 8-12 capitulokuna

BIBLIATA ENTIENDENAPAQ JEHOVA DIOSPA TESTIGONKUNAPA RUWASQAN YANAPAKUYKUNA

JW.ORG/QUY. Kay direccionpim internetpi tarinki achka yanapakuykunata, tarinkitaqmi “QILLQAKUNA > LEENAPAQ QILLQAKUNA” niqtapas. Chaypim kachkan achka qillqakuna bibliata allinta entiendenaykipaq.
“Bibliata estudianapaqmi yanapawasun”. Kay qillqapim kachkan bibliapa willakusqan llaqtakunamanta mapakuna, dibujokuna hinaspa huk yachachikuykunapas.
Perspicacia para comprender las Escrituras. Kay qillqaqa diccionario hinam sumaqta yachachichkan bibliapi kaq sutikunamanta, llaqtakunamanta hinaspa tukuy imamanta.
“Toda Escritura es inspirada de Dios y provechosa”. Kay qillqaqa yachachichkanmi bibliapi qillqakunata haykapi, maypi hinaspa pi qillqasqanmanta. Willakuntaqmi sapa qillqa imamanta yachachisqanmantapas.
La Biblia... ¿la Palabra de Dios, o palabra del hombre? Kay qillqaqa yachachinmi bibliaqa imanasqa Diospa palabran kasqanmanta.
Biblia, ¿imatam yachachin? Kay qillqaqa 32 paginayuqmi, yachachichkanmi biblia imamanta yachachisqanmanta.