Diospa yachayninqa mana igualanam
1 Wakin runakunaqa munanku runapa problemankunata allichaypi Jehovapa testigonkuna preocupakunankuta. Chay runakunaqa manam entiendenkuchu Diospa Palabran Bibliawan yachachisqanchik aswan allin kasqanta. Apóstol Pablopa nisqanpi hinam, “kaspipi ñakariymanta rimayqa mana valorniyoqmi wañunayaqkunapaq- qa, salvakuqkunapaqmi ichaqa, Diospa podernin” (1 Cor. 1:18). Ñoqanchikqa yachanchikmi, Diosmanta hukkunaman yachachiyqa aswan importante kasqanta.
2 Kay tiempopi aswan allin kawsay. Kay tiempopi problemakuna allichay munasqankuqa manam llapanchu allinpi tukun. Carcelpi churanapaq leykuna ruwasqankupas manam sayachinchu delitota. Tratadokunapas, allin kawsanapaq organizacionkunapas manam guerrakunata tukuchinchu. Pobrekunata yanapanapaq institucionkunapas manam tukunchu pobrekunapa sasachayninta (Sal. 146:3, 4; Jer. 8:9). Diospa Reinonmanta mensajem ichaqa, millonninpi runakunapa vidanta cambian, Diospa aceptananpaq mosoq runa kaywan pachakuyta yanapaspa (Rom. 12:2; Col. 3:9, 10). Chaynapim runakunaqa aswan allinta kawsanku (1 Tim. 4:8).
3 Hamuq tiempopi kusi kawsay. Kay tiempopi Problemanchikkuna venceyta yanapawanchik chaypas, Diospa yachayninqa allintam preparawanchik hamuq tiempopaq (Sal. 119:105). Tukukuq mundo allichaypi yanqapaq kallpachakuymantam librawanchik (Ecl. 1:15; Rom. 8:20). Anchatam agradecekunchik yanqa maskaykunapi tiemponchikta manaña usuchisqanchikmanta. Aswanmi kallpachakunchik Jehová Diospa promesanpi “mosoq cielopas mosoq allpapas” kananpi, chaypim justicia kanqa. Jehová Diospa juicion chayamuptinmi, Diospa yachayninpi confiaqkunaqa yachanqaku allin decidisqankuta (2 Ped. 3:10-13; Sal. 37:34).
4 “Kay mundopa yachayninwan vencechikuqkunaqa” piensankumanmi Diospa yachayninqa manaña tiemponchikpaqñachu kasqanta, Diospa yachayllanmi ichaqa tiemponchikpaq (1 Cor. 1:21; 2:6-8). Chaynaqa, “sapallan yachayniyoq” Diospa mensajenta Allpantinpi willallasun (Rom. 16:27, Biblia del nuevo milenio).