Tiempollanpi espiritual mikuna
1. ¿Imaynatam kunan cumplekuchkan Ezequiel 36:29 nisqan?
1 “Granota qayaspam achkayachisaq, manañam qankunapaq yarqay kanqachu”, ninmi kamachikuq Jehová (Eze. 36:29). Kay palabrakunaqa allintam tupan kunan punchawpi Diospa llaqtanwan. Rikchanachiywan rimaspam ninchikman, Jehovaqa achkata qochkan llaqtanman allinninpaq mikunata, nispa. Chaytam rikunchik asambleakunapi necesitasqanchikman hina espiritual mikuna qowasqanchikpi.
2. ¿Imaynatam Jehová qorqa distrito asambleakunapi necesitasqaman hina tiempollanpi espiritual mikunata?
2 Columbus llaqtapi (Ohio, EE.UU.) 1931 watapi asambleapim, Jehovaqa serviqninkunaman mosoq sutita qorqa: Jehovapa testigonkuna, nisqa sutita (Isa. 43:10-12). 1935 watapim allinta reqsirqaku Revelación 7:9-17 nisqan mana yupay atina runakunata. 1942 watapim hermanonchik Knorr qorqa kay discursota “Hawka... ¿duranqachu?”. Chay conferenciam allinta kallpacharqa mundontinpi masta predicanapaq chaymi yanaparqa Escuela Bíblica de Galaad de la Watchtower, nisqapa qallarinanpaqpas. Wakin asambleakuna mana qonqay atina kaptinpas, llapanmi qowanchik necesitasqanchik tiempopi espiritualpi allin mikunata (Sal. 23:5; Mat. 24:45).
3. ¿Imatam rurananchik distrito asambleapi espiritual banqueteta aprovechananchikpaq?
3 ¿Allintachu alimentakunchik? Achkaña mikuna kaptinpas tullullañam kanchikman mikunapaq mana kallpachakuspaqa (Pro. 26:15). Chaynallataqmi espiritualpipas. Wakin asambleakunapim, rikunchik achka hermanokunata pasillokunapi puriqta otaq asamblea horapi hukkunawan rimaqtapas. Allinmi asambleakunapi hermanonchikwan kallpachanakuyqa, manam ichaqa asamblea horatachu rimana, chaytaqa rurasun asamblea tukuptinmi otaq manaraq qallarichkaptinpas (Ecl. 3:1, 7). Sichus asamblea horapi mana, tiyaspachu uyarisun chayqa, importante puntokunatam mana uyarisunchu. Sapakama departamentopi encargasqa hermanokunapas otaq asambleapaq llamkaq hermanokunapas imamantapas urgente rimananku kanman chayqa rimanmankum. Mana urgente kaptinqa allin ejemplotam churananku atencionwan programata uyarispa. Manam mayqenninchikpas ima partetapas Diospa qowasqanchik espiritual mikunanchiktaqa pierdekunanchikchu (1 Cor. 10:12; Fili. 2:12).
4. ¿Imaynatam agradecido kasqanchikta rikuchikwan Jehovapa qowasqanchikmanta?
4 ¡Anchatam kusichiwanchik Jehovapa qowasqanchik espiritual cheqapkunaqa, manam cristiandadpi pantasqa yachachiykuna hinachu! (Isa. 65:13, 14.) ‘Agradecido kasqanchiktaqa rikuchisun’ asambleakunapi Jehovapa yachachiwasqanchikta hina rikuspam (Col. 3:15). Atencionwan uyarisun discursokunata, “Sumaq Yachachiqninchikpa” yachachisqanta hina, ama rimaqpa yachachisqanta hinachu (Isa. 30:20, 21; 54:13). Tukuy atencionwan uyarisun, principal puntokunatapas anotasun chaytataq sapa tarden repasasun programapi allinninkunata yuyananchikpaq. Chaymantaqa yachasqanchikta kasukusun.
5. Kusikunapaq ¿ima razonkunatam qowanchik distrito asambleanchikkuna?
5 Manaraq Armagedón chayamuchkaptin llapan asambleanchikkunan —pakakuqkunapa yachasqanpi kaqpas, guerrapa kasqan nacionpi kaqpas, otaq mana problemapa kasqanpi hatun asambleakunapas— rikuchin Satanasta vencesqanchikta. Mundontinpi wawqepanintin kasqanchikraykum sumaqta rikunchik distrito asambleakunapi huñunakusqanchikta (Eze. 36:38). Segurom kanchik, kunanpas “tiempollanpi espiritual mikunata” kuyakuyninpi Jehová Diospa qowananchikmanta (Luc. 12:42).
[4 kaq paginapi recuadro]
Sumaqta chaskikusun Jehovapa qowasqanchikta
◼ Atencionwan uyarisun
◼ Anotasun importante puntokunata
◼ Sapa tarden repasasun programapi importante puntokunata
◼ Kasukusun yachasqanchikta