Pichqa kaq parte: Haykatataq estudiopi yachachichwan
Bibliamanta estudiota qosunchik Diosta servinankupaq
1 Jesús discipulonkunata yachachispanmi musyarqa maykamalla entiendesqankuta, chayrayku payqa “yachachirqa entiendey atinankukamalla” (Mar. 4:33; Juan 16:12). Chaynallataqmi Diospa Palabranmanta yachachiqkunapas musyananku haykata hinaspa imaynata bibliamanta estudiota qonankuta. Haykata estudianankupaq kaqtaqa akllakunqaku yachachiqpa hinaspa yachaqpa maykama yachasqanta chaynallataq imayna tiemponku kasqanta tanteaspanku.
2 Iñiyninpi takyananpaq yachachisunchik. Wakin estudiantekunaqa necesitanku estudiayta iskay otaq kimsa kutita wakinkunapa huk kutillapi entiendesqankuta. Manamá munanchikchu Diospa palabranpi iñiyninta takyachinanchikpaq utqayllataña yachachispanchik mosoq estudiaqta sasachachiyta (Pro. 4:7; Rom. 12:2).
3 Sapa semana tiempota horqosunchik estudianteta yanapananchikpaq allinta entiendenankupaq hinaspa Diosmanta lliw yachasqankuta sonqonpipas takyachinankupaq. Amamá harkachisunchikchu llumpay utqayllataña yachachispanchik lliwninpi ancha valorniyoq cheqapmanta yachananta. Tiemponchiktayá rakiykusunchik ancha importante yachaykunata entiendechinanchikpaq hinaspa bibliapi ima textokunataq chay yachaykunata yanapasqanta qawachinanchikpaqpas (2 Tim. 3:16, 17).
4 Yachachisqallanchikmanta rimasunchik. Manam utqayllataña yachachiyllamantachu cuidakunanchikqa, aswanqa cuidakunanchiktaqmi yachachisqanchikmanta mana hukkunata rimananchikpaq. Sichus estudiaqqa payta imapas pasasqanmanta llumpayllataña rimariytapas qallariptinqa niykunchikmanmi kaykunamanta rimarinanchikpaq estudiayta tukuruspaña (Ecl. 3:1).
5 Chaymantapas, cheqap kuyakusqanchikmi ñoqanchiktapas llumpayta rimachiwanchikman (Sal. 145:6, 7). Estudiotaqa miskichichwanmi experienciakunawan otaq yanapanapaq huk rimaykunawanpas ichaqa manam allinchu kanman achkata nitaq llumpayta rimaptinchikqa, manamá munanchikchu runa qeparunanta Bibliamanta cheqapkunata yachasqanpi.
6 Bibliamanta entiendey atisqallankuman hina sapa kutipi estudiaptinchikqa Bibliamanta estudiaqkunatam yanapanqa ‘purinankupaq Tayta [Jehová, NM] Diospa kanchayninpi’ (Isa. 2:5).