Jehová Diosta agradecekusunchik kuyapayakuyninmanta
Cristopa wañukusqantam yuyarikunqa 24 marzopi
1. ¿Imaynatam Jehová Dios qawachiwanchik kuyapayawasqanchikta?
1 Salmistam nirqa: ‘Kuyakuyninmantayá Jehová Diosman, graciasta qochunku. Runakunapaq milagronkunamantayá graciasta qochunku’ (Sal. 107:8). Kuyapayakuyninqa manam runakunata kuyapayakuywan qawariyllachu. Kaytaqa qawachin qatimuq yuyaychasqa takipim: ‘Jehová Diosnillay, kuyapayariykuwaspayki hapiykullawanki’ (Sal. 94:18). ¡Llumpay hatun kuyapayakuynintam Jehová Diosqa qawachirqa sapallan Churinta ñoqanchikrayku mandamuspa! (1 Juan 4:9, 10.)
2. ¿Imaynatam Jehová Diosman qawachichwan agradecekusqanchikta?
2 Ñataq Cristopa wañukusqanmanta Yuyarinapaq punchaw chayamuchkanña hinaptinqa, ¿imaynatam qawachichwan agradecekusqanchikta paylla ‘kuyapayakuq’ kasqanta? (Sal. 59:17.) Llapanchikmi tiempota rakinanchik Jesuspa wañusqan punchaw asuykamusqanpi yuyaymanarinanchikpaq (Sal. 143:5). Chay punchaw Yuyarinapaqqa leechwanmi Bibliata, folleto Examinando las Escrituras diariamente 2005 watapi programasqata, atispaqa Bibliamanta willaq huk publicacionkunatapas leechwanmi, kaymi kanman, El hombre más grande nisqa libro 112 capitulomanta 116 capitulokama. Kaykunapi yuyaymanasunchik leesqanchikpipas hapipakusunchik (1 Tim. 4:15). Oracionta ruraspa Diospa Palabranpi yuyaymanayqa manam sonqollanchiktachu kallpanchan, Jehová Dios kuyasqanchiktapas rikuchinmi (Mat. 22:37).
3, 4. a) ¿Imaynam Liberiapi wawqe-paninchikkuna hina kachwan? b) ¿Pitam invitayta munachkanki?
3 Hukkunata kallpanchay Diosta agradecekunankupaq. Qayna watam, enteron kay Allpapachapi Jesuspa wañukusqanta Yuyarinankupaq huñunakurqaku 16.760.607 runakuna. Liberia nacionpa huknin llaqtanpi, wawqe-panikuna willarqaku chaypi jefenman Señorpa Cenanta yuyarinankupaq. Paymi permisota qosqa pelota haytananku pampapi huñunakunankupaq, willachisqataqmi llaqtantinman chay huñunakuyman rinankupaq. Pichqa publicadorlla chaypi kaptinpas, Jesuspa wañusqan punchaw Yuyarinankupaqqa risqaku 636 runakuna.
4 Chay Jesuspa wañukusqanta Yuyarinanchikpaqqa paykuna hinam ñoqanchikpas achka runakunata invitananchik. ¿Rurakuwaqchu listata munasqayki runakunata invitanaykipaq? 8 de marzo ¡Despertadpi!, 15 de marzo Atalayapi tukukuq paginapi dibujokunata rikuchispa invitawaq. Saqechwanmi maquinawan otaq makiwan allin qellqasqa invitacionta, maypi rurakunanta, ima hora kanantapas. 24 de marzo killa asuykamuchkaptinqa yuyarichiy tiempowan allichakunankupaq.
5. ¿Imaynatam kallpanchachwan Biblia estudiaqkunata chay huñunakuyman hamunankupaq?
5 ¿Imaynatam yanapachwan manaraq huñunakuyman hamuq, Biblia estudiaqkunata chay punchawpi masta kallpanchakunankupaq? Sapa kutin yachachispayki rakiy tiempochata, chay Yuyarina punchawmanta allinta entiendechinaykipaq. Chaypaqqa allinmi kanman 2004 watapi 15 de marzo Atalayapi 3 paginamanta 7 paginakama, Razonamiento libropi 83 paginamanta 86 paginakama willasqan.
6. ¿Imanasqam kay Yuyarina punchawman invitasqakunata sumaqta chaskinanchik?
6 Invitasqakunata allinta chaskiy. Kay Yuyarina punchawpiqa sumaqta rimaykuspam visitakunata chaskina (Rom. 12:13). Invitasqaykiwan kuska tiyay, qawariypas Bibliayoqchu, takinayoqchu kachkanku icha manachu chayta. Ñoqanchikmi asuykuspa sumaqta chaskinanchik iñiyninpi chiriyaq wawqe-paninchikkunata kay huñunakuyman kallpanchakuspa hamusqankumanta. Kuyapayakuywan chaskisqanchikmi yanapanman congregacionpi huñunakuykunaman kaqllamanta hamunankupaq (Luc. 15:3-7). Kay hatun punchawpim tukuy atisqanchikta rurana, hukkunapas ñoqanchikwan kuska Jehová Diospa kuyakuspa ‘admirakuypaq kaqkunata rurasqanmanta’ agradecekunanchikpaq (Sal. 31:21).